YOSUA 24:2 - Sura' Madatu

² Ma’kadami tu Yosua lako mintu’ tau, nakua: Inde sia tu kadanNa PUANG, Kapenombanna to Israel, Nakua: Sambalinna lu Salu nanii ma’tondok tu nene’ to dolomi tonnanu’, iamotu Terah, ambe’na Abraham sia ambe’na Nahor, umpengkaolai kapenomban senga’.

YOSUA 24:2 Referans Kwoze

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

KADADIAN 31:30

Totemo inang la malemoko, belanna mamali’ tonganko lako banuanna ambe’mu, nama’apai ammu bokoi tu balo’ku?

YEHEZKIEL 16:3

sia ma’kadako mukua: Inde sia tu kadanNa Puangta PUANG lako Yerusalem Nakua: Iatu munii bu’tu sia kadadiammu lu dio mai tondok to Kanaan, iatu ambe’mu to Amori na iatu indo’mu to Heti.

YESAYA 51:2

Tiroi tu Abraham, ambe’mi sia Sara to undadiangkomi, belanna Kutambai tonna mane kale-kalena sia Kupamasakke sia Kupopemba’ka’ kalle-kallean.

PA’TOLE 26:5

Mumane ma’kurre sumanga’ dio oloNa PUANG, Kapenombammu, mukua: Iatu ambe’ku misa’ to Aram salamba salao; ke’de’ lako Mesir sola to tang pira, anna torro dio susito sae, apa dadi misa’ bangsa makamban, makuasa sia marapuan.

KADADIAN 35:4

Nasorongi lako Yakub tu mintu’ balo’ to salian lembang dio kalena sia mintu’ baba’ dio talinganna, anna lamun nasangi Yakub rokko padang dio to’ garonto’ kayu tarpin tu sikandappi’ tondok Sikhem.

KADADIAN 31:53

Kapenombanna Abraham sia Kapenombanna Nahor, pada Kapenombanna ambe’ta umpaolaiki’ salu! Massumpami tu Yakub ussa’bu’ To napengkaolai Ishak, ambe’na.

KADADIAN 31:32

Na minda-minda minii unnappa’i tu balo’mi, damo nadipatuo len. Daka’i dio tingayona mintu’ sangdadianta, ke la denni dio kaleku tu apammi, alai sule. Apa tae’ anna issanni Yakub kumua mangka naboko Rahel.

KADADIAN 31:19

Iatu Laban male toda ia ungku’ku’i bulu dombana; nabokomi Rahel tu balo’ taunna ambe’na.

KADADIAN 11:26

Iatu Terah pitungpulomo taunna anna dadianni tu Abram, Nahor na Haran.

LUKAS 3:34

anakna Yakub, anakna Ishak, anakna Abraham, anakna Terah, anakna Nahor;

KADADIAN 11:24

Iatu Nahor duangpulomo ngkasera taunna anna dadianni tu Terah.

KADADIAN 11:27

Iamote tu bati’na Terah: Iamotu Terah undadian Abram, Nahor sia Haran, na Haran undadian Lot.

KADADIAN 11:22

Iatu Serug tallungpulomo taunna anna dadianni tu Nahor.

1 OSSORANNA DATU 1:27

Abram, iamotu Abraham.