YOSUA 24:11 - Sura' Madatu

¹¹ Mangkato ullambanmokomi Yordan; iatommi rampomo lako Yerikho, sirarimokomi to Yerikho, iamotu to Amori, to Feris, to Kanaan, to Het, to Girgasi, to Hewi na to Yebus, apa Kusorong nasang tu tau iato tama limammi.

YOSUA 24:11 Referans Kwoze

PENGGAURANNA RASULU’ 13:19

Iatonna mangkamo ummangsanni tu tau pitu bangsana dio tana Kanaan, nataa-taanni tu padangna napomana’i tinde tau,

PENGGAURANNA RASULU’ 7:45

Iatu nene’ to dolota tu dipakambi’i tenda iato, mangkamo umbaai sola Yosua tama tana Kanaan, tonna taloi tu to kapere’, tu Narambai Puang Matua dio mai tingayona nene’ to dolota, sae lako linona Daud.

PA’PUDIAN 114:5

E tasik, ma’aparoko ammu mallaira susito? Sia iko, e Yordan, ammu lolong sulera?

PA’PUDIAN 114:3

Mallaimi tu tasik tonna tiroi tu iannato, sia lolong sule tu Yordan;

PA’PUDIAN 105:44

Naba’gi tondokna ba’tu pira bangsa tu tau iato mai, anna pomana’i tu kara’tasanna to sangpetayanan.

YOSUA 4:23

Belanna Napamarangke PUANG, Kapenombammi, tu uai Yordan dio tingayomi sae lako tappummi lamban, susitu mangka Napogau’ PUANG, Kapenombammi, lako tasik Teberau, tu Napamarangke dio tingayota sae lako tappunta lamban,

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

KATASSURAN 23:23

Belanna iatu malaeka’Ku la undoloangko sia la ussolangko tama tondokna to Amori sia to Het sia to Feris sia to Kanaan sia to Hewi sia to Yebus sia Aku la ussanggang nasangi tu tau iato mai.

KADADIAN 15:19

tu naninna to Keni sia to Kenizi sia to Kadmon,

KATASSURAN 3:8

Iamoto Kusonglo’ la urrampananni lan mai kuasanna to Mesir sia ussolanni tassu’ lan mai tondok iate lako misa’ tondok melo sia kalua’, iamotu misa’ tondok sebo pangandu’na sia tani’ enoan, tu napa’tondokki to Kanaan sia to Het sia to Amori sia to Feris sia to Hewi na to Yebus.

KATASSURAN 3:17

Iamoto Kuma’kada Kukua: La Kusolangkomi lan mai kamaparrisan lan Mesir lako tondok to Kanaan sia to Het sia to Amori sia to Feris sia to Hewi na to Yebus, iamotu lako tondok sebo pangandu’na sia tani’ enoan.

KATASSURAN 13:5

Iake Nasolammoko PUANG tama tondokna to Kanaan sia Het sia Amori sia Hewi na Yebus, tu Naalluran nene’ to dolomu umpalao sumpa, la Nakamaseangko, iamotu misa’ tondok sebo pangandu’ sia tani’ enoan, manassa la mukaritutui te atoran kamenomban lan bulan iate.

KATASSURAN 23:28

Sia la ussuaNa’ tabuan balo undoloangko anna ula’i tu mintu’ to Hewi sia to Kanaan sia to Het dio mai tingayomu.

KATASSURAN 23:31

Iatu lili’ tondokmu la Kukamaseangko randuk dio mai tasik Teberau sae lako tasik to Filistin sia dio mai padang pangallaran sae lako salu Efrat belanna mintu’ tau lan tondok iato la Kusorong tama limammu, ammu rambai tu tau iato mai dio mai tingayomu.

KATASSURAN 33:2

– la ussuaNa’ misa’ malaeka’ undoloangko sia la Kurambai tassu’ tu mintu’ to Kanaan sia to Amori sia to Het sia to Feris sia to Hewi sia to Yebus –

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

YOSUA 4:1

Iatonna mangkamo tu mintu’ bangsa ullamban Yordan, ma’kadami PUANG lako Yosua, Nakua:

YOSUA 4:19

Iatu bangsa iato kendek diong mai Yordan tonna allo ma’pessangpulo bulan bunga’na, anna ma’tenda dio Gilgal rampe matallo lili’na Yerikho.

YOSUA 9:2

siallu’mi la sanginaa urrarii Yosua sola to Israel.