YOSUA 23:9 - Sura' Madatu

⁹ Belanna Narambaimo PUANG dio mai tingayomi tu ba’tu pira-pira bangsa kapua sia mawatang; na iatu kamu moi misa’ tau tae’ unnattai ma’patanan dio olomi sae lako allo iate.

YOSUA 23:9 Referans Kwoze

YOSUA 1:5

Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

PA’TOLE 11:23

manassa la Naula’i PUANG te mintu’ bangsa dio tingayomi, ammi alai mipoapa tu lili’na tu mai bangsa, mandu tarompo’ sia kuasa na kamu.

YOSUA 23:5

Sia PUANG, Kapenombammi, kalenamo la urrambai dio tingayomi sia la unnula’i dio tingayomi sia kamumo la unnalai mipomana’ tu padangna, susitu Naallurangkomi PUANG, Kapenombammi.

KATASSURAN 23:30

La Kurambai pela’-pela’ tu tau iato mai dio mai tingayomu sae lako samemba’ka’-ba’ka’mu muurunganni umpomana’i tu tondok iato.

YOSUA 15:14

Inde to dio mai nanii Kaleb urrambai tu to Enak sola tallui, iamotu Sesai, Ahiman na Talmai, anakna muane Enak.

PA’TOLE 7:24

Iatu mai datunna la Nasorong tama kuasammu, muurungan umpa’dei tu sanganna lan mai nasambo langi’. Moi misa’ tau tang naatta unneako sae lako musanggangi nasang.

PENGGAURANNA RASULU’ 7:45

Iatu nene’ to dolota tu dipakambi’i tenda iato, mangkamo umbaai sola Yosua tama tana Kanaan, tonna taloi tu to kapere’, tu Narambai Puang Matua dio mai tingayona nene’ to dolota, sae lako linona Daud.

KATASSURAN 23:23

Belanna iatu malaeka’Ku la undoloangko sia la ussolangko tama tondokna to Amori sia to Het sia to Feris sia to Kanaan sia to Hewi sia to Yebus sia Aku la ussanggang nasangi tu tau iato mai.

YOSUA 23:8

Sangadinna la la’ka’komi lako PUANG, Kapenombammi, – susi penggaurammi sae lako allo iate –.

YOSUA 24:18

Narambaimo PUANG tu mintu’ bangsa iato sia to Amori, iamotu to untorroi te tondok iate dio mai tingayota. Ia duka tu kaminna la umpengkaolaikan PUANG, belanna Iamo Kapenombanta.

1 DATU 21:26

Iatu gau’na megallian liu, belanna mengkaola lako deata, lan mintu’na tu napogau’ to Amori, tu Naula’i PUANG dio mai olona to Israel.

2 OSSORANNA DATU 20:7

Tae’raka na Kamu tu Kapenombangki, tu mangkamo urrambai dio mai tingngayona to Israel, taumMi, tu tau lan tondok iate, amMi kamaseanni bati’na Abraham, sangmaneMi, anna pomana’i sae lakona?