YOSUA 23:8 - Sura' Madatu

⁸ Sangadinna la la’ka’komi lako PUANG, Kapenombammi, – susi penggaurammi sae lako allo iate –.

YOSUA 23:8 Referans Kwoze

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

YOSUA 22:5

Ia manna la mikaritutui tongan tu pepasan sia Sukaran aluk, tu napasan Musa, taunNa PUANG, lako kalemi, kumua la mikamali’ tu PUANG, Kapenombammi, la mituru’ tu mintu’ bate lalanNa, sia la mikaritutui tu mintu’ pepasanNa, sia la la’ka’komi lako Puang, sia la ponno penaammi sia deatammi umpengkaolai.

PENGGAURANNA RASULU’ 11:23

Iatonna rampomo, natiroi tu pa’kamaseanNa Puang Matua, parannumi, anna pakilalai tu tau mintu’, kumua anna tontong maruru’ lako Puang susitu diongnamo penaanna.

PA’TOLE 13:4

La mituru’ tu PUANG, Kapenombammi, sia mikataku’, sia la mikaritutui tu pepasanNa sia la miperangii tu kadanNa, iamotu la mipenombai sia la’ka’komi lako.

PA’TOLE 11:22

Belanna iake mikaritutui tonganni te mintu’ pepasan, tu kupapassanangkomi totemo, sia ungkamali’komi PUANG, Kapenombammi, sia mituru’ tu mintu’ lalanNa sia la’ka’komi lako,

PA’TOLE 4:4

Apa iatu kamu, tu maruru’pa lako PUANG, Kapenombammi, tuopa sola nasang sae lako allo iate.

YOSUA 23:7

Da misikadamak tu bangsa torropa misisolan sia da misa’bu’i tu sanganna deatanna sia da mipalao sumpa tete dio sanganna sia da mipengkaolai ba’tu tukku umpenombai.

YOSUA 23:9

Belanna Narambaimo PUANG dio mai tingayomi tu ba’tu pira-pira bangsa kapua sia mawatang; na iatu kamu moi misa’ tau tae’ unnattai ma’patanan dio olomi sae lako allo iate.

2 DATU 18:6

Sia la’ka’ tu datu lako PUANG, tae’ naboko’i sia nakaritutui tu mintu’ pepasan, tu mangka Napepasanan PUANG lako Musa.

PA’TOLE 8:20

Susitu mintu’ bangsa, tu Namangsanni PUANG belanna kamu, iamoto la mangsan dukakomi, belanna manokakomi umperangii tu gamaranNa PUANG, Kapenombammi.

PA’TOLE 13:5

Apa iatu nabi ba’tu to mangimpi iato manassa la dipatei, belanna naada’imoko memboko’ dio mai PUANG, Kapenombammu, tu ussolangko lan mai tondok Mesir sia ullendokangko dio mai inan munii dipokaunan, – la umpasepangko dio mai lalan, tu Napepasanan PUANG, Kapenombammu lako kalemu la muturu’i. Susimoto la munii umpa’dei tu apa kadake dio lu kamu.