YOSUA 23:7 - Sura' Madatu

⁷ Da misikadamak tu bangsa torropa misisolan sia da misa’bu’i tu sanganna deatanna sia da mipalao sumpa tete dio sanganna sia da mipengkaolai ba’tu tukku umpenombai.

YOSUA 23:7 Referans Kwoze

KATASSURAN 23:13

Iatu mintu’ apa Kupokada lako kalemi la mikanana’i; iamotu tae’ muma’din la ussa’bu’ sanga deata senga’, da natassu’ len dio pudukmu to.

YEREMIA 5:7

Umba la Kukua umpa’dei tu kasalammu? Mintu’ anakmu untampeMo’ sia umpalao sumpa umposissareanni tu tangia kapenomban. IatongKu mangkamo umpedia’i, ullullu’omira tananan dapo’ sia tontong bangmo lan banua lonte.

PA’PUDIAN 16:4

Sitodon tampomo tu kamaparrisanna, to umpengkanorongi (deata) senga’! Nokana’ untedokki tu mai rara napenomban tau iato mai, ba’tu ussa’bu’i randan dipudukku tu sanganna.

KATASSURAN 23:33

Da’ natorro tu tau iato mai lan tondokmu, da’ naada’iko kasalan lako Kaleku. Iake menombai lako deatanna, manassa iatu iannato la dadi poya lako kalemu.

EFESUS 5:11

Sia da mitamai tu mai gau’ kamalillinan, tu tang umpabu’tu melo, sangadinna sipatu la mipasala,

1 KORINTUS 15:33

Da mipusa: iatu ulelean ma’kapettok untumang gau’ melo.

ZEFANYA 1:5

sia mintu’ tu to tukku menomba dao papa dio tingayona mintu’ ma’dandan maritik dao langi’, sia iatu to tukku menomba sia umpalao sumpa tete dio PUANG sia umpalao sumpa tete dio Milkom, deatanna;

SARAMBU PEADA’ 4:14

Da muolai tu lalanna to tang mekaaluk, sia da mutumengka dio batattana to kadake.

YOSUA 23:12

Belanna iammi sorong boko’ sia sikalute te mai bangsa torropa, tu misisolan, sia sipoipa’ sia sipobaisen sia sikadamak tu tau iato,

HOSEA 2:17

Iake allo iato la sibasseNa’ tu olo’-olo’ dio lu padang napomeloi tau iato mai, sia iatu manuk-manuk dao lu langi’ sia olo’-olo’ mendonglo’ dao kuli’na padang. Attu iato la Kule’to tu pana sia pa’dang sia mintu’ pa’buno lan tondok, angKu patorro marampa’i tu tau iato mai.

KADIBILANGAN 32:38

Nebo, Baal-Meon, Musabot-Syem na Sibma. Nasangaimi tu mai kota, nabangun.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

PA’TOLE 6:13

Iatu PUANG, Kapenombammu, la mukataku’ sia la mupengkaolai sia la umpalaoko sumpa tete dio sanganNa.

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

YOSUA 23:8

Sangadinna la la’ka’komi lako PUANG, Kapenombammi, – susi penggaurammi sae lako allo iate –.

YEREMIA 12:16

Sia iake birisanni tu tau iato mai umpopa’biasa kalena unnola lalanna taungKu, naurunganni umpalao sumpa tete dio sangangKu, kumua: La lelukraka tuoNa PUANG! susi dolona tu tau iato mai unnada’i taungKu umpalao sumpa tete dio Baal, manassa iake susito, la dipasangbilangan duka taungKu.

KADIBILANGAN 33:55

Apa iake tae’i miula’i tu to ma’tondok dio tingayomi, la susito duri lan matammi sia la susi apa patossok dio la’pekmi, anna pakario-riokomi lan tondok, tu minii ma’tondok.

PA’TOLE 6:14

Da mituru’i sia umpenombai kapenomban senga’, ba’tu pira-pira tu mai deatanna bangsa untikuikomi,

2 DATU 5:18

Apa ke ma’dinni tu diona apa iate Napagarri’i PUANG tu taummi; to ke tamai inan pemalaran Rimon tu puangku la menomba, ke sissarei dio takia’ku, kuurunganni umpaula’i tukku menomba lan inan pemalaran Rimon; iangku tukku menomba lan inan pemalaran Rimon, ke ma’dinni Napagarri’i PUANG tu taummi tu diona apa iate.

2 DATU 17:12

Menombami tu tau iato mai lako tu mai rapang-rapang dipodeata, tu nanii PUANG mangka ma’kada diona apa iato, kumua da mipogau’i tu apa susito.

2 OSSORANNA DATU 7:19

Apa iake sorong boko’komi dio mai Kaleku sia miboko’i tu apa Kupondok sia Kupa’parentan, Kupatuduangkomi, ammi male umpengkaolai tu kapenomban senga’, sia tukku umpenombai,