YOSUA 23:6 - Sura' Madatu

⁶ Iamoto la mipabatta’ tongan tu penaammi ungkaritutui sia unturu’i tu mintu’ apa disura’ lan sura’ Sukaran alukna Musa, da misepang lako kanan ba’tu kairi.

YOSUA 23:6 Referans Kwoze

PA’TOLE 28:14

sia iake tae’ musepang dio mai mintu’ pepasan, tu kubenko allo iate, lako kanan ba’tu lako kairi, ke unturu’ko kapenomban senga’ sia mupenombai,

PA’TOLE 5:32

La mikaritutui tongan, susitu mangka Napepasanan PUANG, Kapenombammi, lako kalemi; da misepang kanan ba’tu kairi.

IBRANI 12:4

Tae’pa ammi unnea sae lako kerarammi urrarii kasalan.

PA’TOLE 17:20

kumua da anna pamadao penaanna dio lu siulu’na sia da nasepang lako kanan ba’tu kairi dio mai pepasan, anna marendeng lan kadatuanna, la kalena la iatu mai anakna dio lu to Israel.

PA’TOLE 12:32

Iatu mintu’ apa kupasanangkomi, la mikaritutui tongan; da mirangnganni sia da mikurangi.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

1 KORINTUS 16:13

Mareakomi, tontongkomi tumanan umposissarean kapatonganan, umpapiamuanekomi kalemi, sia mawatangkomi.

YEREMIA 9:3

Ma’neko-neko tu lilana susi pana digi’tingan ponno buttok sia tae’ namalambu’ ma’parenta lan lu tondok sia tae’ upu’na umpasisonda kakadakean napogau’, sia tae’ natandaiNa’ tu tau iato mai, kadanNa PUANG.

PA’PUDIAN 101:3

Tae’ angku la untangnga’ len penggauran megi’giran; sia kusayu pallan tu penggauranna to sorong boko’. Inang tae’ anna la’ka’ lako kaleku tu iannato.

PA’PUDIAN 119:102

Tae’ angku sepang len dio mai mintu’ atoramMi, belanna Kamu tu mangka umpatuduna’.

1 DATU 2:3

Sia pogau’i tu mintu’ Natuntunna PUANG, Kapenombammu: iamotu unturu’ lalanNa sia ungkaritutui mintu’ apa Napondok sia pepasanNa sia atoranNa sia pangadaranNa, susitu mintu’ apa disura’ lan sukaran alukna Musa, ammu palolang marampa’i tu mintu’ apa mupogau’ sia mintu’ apa mukarang.