YOSUA 23:2 - Sura' Madatu

² natambaimi Yosua sirampun tu mintu’ to Israel, iamotu mai pekaamberanna, pangulunna, to mangra’ta’ kara-karana, sia to ma’parentana, na ma’kada lako, nakua:

YOSUA 23:2 Referans Kwoze

YOSUA 24:1

Mangkato narampunmi Yosua tu mintu’ sukunna to Israel dio Sikhem. Natambaimi tu mintu’ pekaamberanna to Israel, sia pangulunna, sia to ma’paolaianna salu, sia to ma’parentana, anna sae mennolo dio oloNa Puang Matua.

1 OSSORANNA DATU 28:1

Narampunmi Daud lako Yerusalem tu mintu’ pangulu to Israel, iamotu pangulunna mintu’ suku, pangulunna mintu’ golongan tu mengkaola lako datu, kamandangna sangsa’bu tau, kamandangna saratu’ tau sia pangulunna mintu’ apa sia patuoanna datu sia anakna muane, sisola mintu’ to mase’ponna datu, pa’barani sia mintu’ to malinta’ parari.

PA’TOLE 31:28

Tambaimi tu mintu’ pekaamberanna sukummi sia mantari’mi sirampun lako kaleku, angku pokadai te mintu’ kada dio pa’peranginna sia la kutambai tu langi’ sia padang la ussa’bii umpasalai tu tau iato.

YOSUA 23:3

Iate aku matuamo’ sia matessekmo’. Mitiro kalenamo tu mintu’ apa Napogau’ PUANG, Kapenombammi, lako te mintu’ bangsa iate, tu belanna kamu. Belanna PUANG, Kapenombammi kalena untunduikomi parari.

YOSUA 13:1

Iatonna matuamo tu Yosua sia matessekmo, ma’kadami PUANG lako kalena Nakua: Matuamoko sia matessekmoko, anna budapa tu padang torro tu ma’din diala dipomana’.

1 SAMUEL 12:2

Totemo, tiromi tu datu iato ullopiangkomi. Apa iatu aku te matuamo’ sia ubanammo’; iatu anakku muane da’dua iti’ sia misisolan; iatu aku randuk dio mai mangurangku ullopiangkomi sae lako allo iate.

1 DATU 1:1

Iatu datu Daud matuamo sia matessekmo sia moi nasambu’i parramba’ tau, apa inang tae’mo namalassu.

1 DATU 8:1

Iatonna attu iato narampunmi Salomo tu mintu’ pekaamberanna to Israel sia mintu’ pangulunna sukunna, iamotu to paa dio lu tongkonanna to Israel, mennolo lako datu Salomo dio Yerusalem, la umbaai langngan tu patti basseNa PUANG diong mai tondokna Daud, iamotu Sion.

1 OSSORANNA DATU 23:2

anna popa’kombonganni tu mintu’ pangulu to Israel sia mintu’ to minaa sia mintu’ to Lewi.

1 OSSORANNA DATU 27:27

Iatu pangulunna mintu’ pa’lak anggoro’, iamotu Simei, to Rama; iatu pangulunna mintu’ pa’palumpunan anggoro’ lan pa’lak anggoro’, iamotu Zabdi, to Syifmi.