YOSUA 23:12 - Sura' Madatu

¹² Belanna iammi sorong boko’ sia sikalute te mai bangsa torropa, tu misisolan, sia sipoipa’ sia sipobaisen sia sikadamak tu tau iato,

YOSUA 23:12 Referans Kwoze

PA’TOLE 7:3

Sia da duka musipoipa’ tu tau iato; iatu anakmu baine da mupakemuanei lako tau iato, sia da mutarimai tu anakna baine napobaine anakmu.

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

YEHEZKIEL 18:24

Apa ianna balik dio mai gau’ malambu’na tu to malambu’, anna umpogau’ tang malambu’ unturu mintu’ apa megallian, tu napogau’ to tang mekaaluk – la tuoraka? Moi misa’ tu mintu’ apa malambu’ mangka napogau’ tae’mo nala dibilang. Belanna diona katangmarurusan tu mangka napalalo sia diona kasalan mangka napogau’, iamoto nala mate.

1 YOHANES 2:9

Minda-minda tu ussanga kalena lan masiangna, apa ungkabiri’ siulu’na, iamo tontong lan malillinna sae lako totemo.

ROMA 12:9

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

YOHANES 6:66

Iamoto nabuda sorong boko’ tu to unturu’I, sia tae’mo namale sola.

MATIUS 12:45

Undinna lao pole’ omi untambai deata senga’ pitu nasisolan, tu masussukna pissan na ia, natama namembanua lan; dadi ma’katampakanna ondong pissanmi masua-suanna tu to natamai na iatonna dolona. Ten dukamoto la dadi lako te bangsa kadake.

YESAYA 1:4

Upu’ allona tu to kasalan, tu bangsa natondon kakadakeanna, bati’ to kadake sia taruk to bulituk! Natampe tu PUANG, sia nabelle’ tu To maserona to Israel sia memboko’.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 36:3

Belanna naa’panmo ia kasalan tu penaanna, diona kaungkanassan, kumua sipatu la dikabiri’ tu kakadakeanna.

1 DATU 11:4

Belanna iatonna matuamo tu Salomo, napasepangmi mintu’ bainena tu penaanna umpenombai kapenomban senga’, naurunganni tae’mo nalantuk tu penaanna lako PUANG, Kapenombanna, susi Daud, ambe’na.

1 DATU 11:2

dio mai tu mintu’ bangsa mangka Napepasanan PUANG lako to Israel susite, Nakua: Da misirau ta’nak sia da duka namerrau tu tau iato mai lako kalemi, da napasepangi tu penaammi umpenombai deatanna: apa la’ka’ tu penaanna Salomo lako.

KADADIAN 34:3

La’ka’mi tu penaanna sia masinna lako anak dara iato, nasede-sedemi tu penaanna anak dara iato.

KADADIAN 2:24

Iamoto anna la untampe ambe’na sia indo’na tu muane anna la’ka’ lako bainena, anna mendadi sangbatang kale sola duai.

PA’TOLE 7:4

Belanna napatoyang manii tu anakmu muane dio mai Kaleku, anna penombai kapenomban senga’, anna re’dekmo tu ara’Na PUANG ullaoikomi sia madoi’ la ussabu’iko.

YOSUA 23:11

Palan tonganni penaammi, sia kamali’i tu PUANG, Kapenombammi.

TO PARENGNGE’ 3:6

napobainemi to Israel tu anakna tau iato mai sia napakemuane tu mai anakna lako anakna tau iato sia napengkaolai tu deatanna.

PA’TOLE 6:15

belanna iatu PUANG, Kapenombammu, Iamo Kapenomban manoka ditimba oloNa dio lu kamu, kumua na iatu kare’dekan ara’Na PUANG, Kapenombammu, da nadukku ullaoiko sia da Nasabu’iko dao mai kuli’na padang.

TO PARENGNGE’ 14:3

Apa ma’kada tu ambe’na sola indo’na lako, nakua: Tae’ bangmoraka baine dio lu sukunta sia dio lu mintu’ bangsata, ammu la maleora unnala baine dio lu to Filistin, to tang disunna’i. Apa mebali tu Simson lako ambe’na, nakua: Palakuan bangmo’, belanna naala penaangku.