YOSUA 23:11 - Sura' Madatu

¹¹ Palan tonganni penaammi, sia kamali’i tu PUANG, Kapenombammi.

YOSUA 23:11 Referans Kwoze

YOSUA 22:5

Ia manna la mikaritutui tongan tu pepasan sia Sukaran aluk, tu napasan Musa, taunNa PUANG, lako kalemi, kumua la mikamali’ tu PUANG, Kapenombammi, la mituru’ tu mintu’ bate lalanNa, sia la mikaritutui tu mintu’ pepasanNa, sia la la’ka’komi lako Puang, sia la ponno penaammi sia deatammi umpengkaolai.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

SARAMBU PEADA’ 4:23

Karitutui tu penaammu losong na mintu’ apa sipatu dikaritutui, belanna lan mai nanii bu’tu tu kalimbuang katuoan.

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

1 KORINTUS 16:22

Iake denni misa’ tau tang ungkamali’ Puang, nake narampoi tampak ropu. Maranata!

1 KORINTUS 8:3

Apa iake denni tau ungkamali’ Puang Matua, iamo Natandai Puang Matua.

KATASSURAN 20:6

apa umpa’pekitananNa’ kamasokanangKu lako massa’bu’-sa’bu tu to ungkamali’Na’ sia ungkaritutui mintu’ pepasanKu.

EFESUS 5:15

Iamoto kainga’i meloi, umba la mipakuanni tu kalemi, da misusi to tang keinaa, sangadinna la susikomi to keinaa;

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

PA’TOLE 4:9

Apa la mukanandai tongan sia la mukatangkinni, da mukalupai tu apa mangka mutiro, sia da napa’de lan penaammu, tempon tuomu; paissanni tu mai anakmu sia iatu mai bati’mu,

PA’TOLE 4:15

Iamoto kanandai tongankomi kalemi – belanna tae’ mitiro misa’ pa’kalean tonna allo, Nanii PUANG ma’kada lako kalemi dao Horeb lan mai tangnga to’ api

YOSUA 23:10

Misa’komi tu mangka unnula’ tau sangsa’bu, belanna PUANG, Kapenombammi, Ia kalena untunduikomi parari, susitu Naallu’ lako kalemi.

YOSUA 23:12

Belanna iammi sorong boko’ sia sikalute te mai bangsa torropa, tu misisolan, sia sipoipa’ sia sipobaisen sia sikadamak tu tau iato,

PA’TOLE 30:16

belanna kupasan lako kalemu totemo la ungkamali’ PUANG, Kapenombammu, iamotu unturu’ lalanNa sia ungkaritutui pepasanNa sia aluk Napondok sia atoranNa, kumua mumarendeng-rendeng sia memba’ka’ sia Napamasakkeko PUANG, Kapenombammu, lan tondok, tu muala mupoapa.

PA’TOLE 30:20

belanna mukamali’ tu PUANG, Kapenombammu, sia muperangii tu gamaranNa sia la’ka’ko lako, belanna iamo mupotuo sia unnindo’i kamalamberan sunga’mu torro lan tondok, tu Naallu’ PUANG umbenni nene’ to dolomu, Abraham, Ishak sia Yakub Napalaoi sumpa.