YOSUA 23:10 - Sura' Madatu

¹⁰ Misa’komi tu mangka unnula’ tau sangsa’bu, belanna PUANG, Kapenombammi, Ia kalena untunduikomi parari, susitu Naallu’ lako kalemi.

YOSUA 23:10 Referans Kwoze

PA’TOLE 32:30

Umba nakua tu misa’ tau ma’din unnula’ uali sangsa’bu sia da’dua tau umpapallai tau sangpulo sa’bu, iake tae’i Nabalukanni Buntu batunna sia tae’ Napopa’elo’nai PUANG tu tau iato?

SURA’ KATOMINAAN 26:8

limakomi la unnula’i tu to saratu’, sia saratu’komi la unnula’i tu to sangpulo sa’bu, anna iatu ualimmi la tibambang dio tingayomi nakande pa’dang.

PA’TOLE 3:22

Da mumataku’, belanna PUANG, Kapenombammi, Iamotu umparariangkomi.

KATASSURAN 14:14

PUANG duka iatu la parari ussondakomi, na iatu kamu la ma’pakappa bangkomi.

PA’PUDIAN 35:1

Pa’pudianna Daud. O PUANG, ualii tu to unnualina’, sia rarii tu to urrariina’.

PA’TOLE 20:4

belanna iatu PUANG, Kapenombammi den ussisolangkomi la umparariangkomi ullaoi ualimmi, kumua Nabenkomi kapataloan.

ROMA 8:31

Totemo apara la takua diona tu mintu’nato? Iake sisolaki’ Puang Matua mindapa la umbaliki?

PA’PUDIAN 46:7

Marukka’mi tu mintu’ bangsa sia tigega’ tu mintu’ parenta, sumarabami tu Puang, anna bonno’ tu lino.

YOSUA 23:3

Iate aku matuamo’ sia matessekmo’. Mitiro kalenamo tu mintu’ apa Napogau’ PUANG, Kapenombammi, lako te mintu’ bangsa iate, tu belanna kamu. Belanna PUANG, Kapenombammi kalena untunduikomi parari.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

YOSUA 10:42

Mintu’ datu iate sia tondokna pissanri natalo Yosua, belanna PUANG, Kapenombanna to Israel, untundui to Israel parari.

TO PARENGNGE’ 15:15

Naappa’mi tu buku parangka sadang keledai ba’ru bangpa, naului tu limanna, naalai, anna pateanni tu tau sangsa’bu.

2 SAMUEL 23:8

Iamote tu sanganna mintu’ pa’baraninna Daud: misa’ tau lu dio mai Ishbaal, tondokna to Hakhmoni, pangulunna mintu’ kamandang, disanga Adino, to Esni, unnea doke to karua ratu’na, napissanni napatei.

TO PARENGNGE’ 3:31

Undinnato den pole’omi bu’tu tu Samgar, anakna muane Anat; napateimi pebamba sapi ma’duri bassi tu to Filistin annan ratu’; susi dukamoto nanii urrampanan to Israel.

PA’TOLE 20:3

Perangii, e to Israel! Tarru’komi lao parari, ullaoi ualimmi; da naranggang tu penaami sia da mimataku’, da mimagiang sia da mipotirambanni tu tau iato,

PA’TOLE 28:7

Iatu PUANG la ussorong ualimmu, tu unneako, dio tingayomu, ammu taloi. Sangbambari tu lalan la nanii sae unneako, apa pitu tu lalan nanii mallai tu tau iato dio mai tingayomu.

PA’TOLE 32:20

Ma’kadami Nakua: MoraiNa’ umbunianni lindoKu tu tau iato sia la Kutiro apa urrampoi ma’katampakanna, belanna to tama bilanganna to leko’ tu tau iato mai, sia pia tang unnissan maruru’.

YOSUA 23:11

Palan tonganni penaammi, sia kamali’i tu PUANG, Kapenombammi.

1 OSSORANNA DATU 5:22

sia buda tau mate, belanna rari iato lu dio mai Puang Matua; – torromi tu tau iato mai lan inanna sae lako malena dipali’.

YESAYA 30:17

Sangsa’bu tau la mallai belanna pa’pakarrangna misa’ tau sia tete dio pa’pakarrangna lima tau la mallaikomi, miurunganni torro butung to misa’ tanda dao bottona buntu sia susi misa’ tombi dao tanete.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

SURA’ KATOMINAAN 26:7

La miula’ tu ualimmi, anna tibambang dio tingayomi nakande pa’dang tu tau iato mai;

1 OSSORANNA DATU 5:20

Ditunduimi tu tau iato mai sirari to Hagri, naurunganni iatu to Hagri sola mintu’ solana disorong tama limanna, belanna meongli’ lan kasirarian lako Puang Matua, anNa perangii tu pasambayangna, belanna ma’rannuan lako.