YOSUA 22:10 - Sura' Madatu

¹⁰ Iatonna rampomo tu tau iato mai lako Gelilot sikandappi’ Yordan, inde to nanii to Ruben, to Gad sia sesena suku Manasye umpabendan misa’ inan pemalaran dio biring Yordan, iamo misa’ inan pemalaran kapua.

YOSUA 22:10 Referans Kwoze

KADADIAN 28:18

Mebongngi’mi millik tu Yakub, anna alai tu batu naallonni, napabendan la dadi misa’ tanda dianna batu silambi’, anna bolloi minna’.

YOSUA 22:9

Sulemi tu mintu’ to Ruben sia to Gad sia sesena suku Manasye, natampei tu to Israel lan mai Silo dio tondok Kanaan, anna male lako tondok Gilead, iamotu padang mana’na, tu napomana’ susitu Napa’parentan PUANG nalopian Musa.

YOSUA 22:11

Narangimi to Israel tu kareba, nakua: Manassamo tu to Ruben sia to Gad sia sesena suku Manasye umpabendan inan pemalaran ma’palulako tondok Kanaan, dio to’ batu ma’talimbungan sikandappi’ Yordan, indena mai lan lili’na to Israel.

YESAYA 19:19

Attu iato la den lan Mesir tu misa’ inan pemalaran lako PUANG sia dio passaparanna la diosok tu batu dipobatu silambi’ diona PUANG.

KADADIAN 12:7

Ta’kala anNa payanmo tu PUANG lako Abram, Nama’kada Nakua: Iate tana la Kuba’giammo lanto mimi’mu. Nagaragami Abram inde to dio tu misa’ inan pemalaran lako PUANG mangka payan lako kalena.

KADADIAN 12:8

Tilelemi inde to dio mai lako ma’buntunna rampe matallona Betel, naosokmi tu tendana, na iatu Betel dio rampe matampu’na, na iatu Ai, dio rampe matallona; nagaragami inde to dio tu misa’ inan pemalaran lako PUANG, anna menomba ussa’bu’ sanganNa PUANG.