YOSUA 21:7 - Sura' Madatu

⁷ Iatu to Merari unnappa’ sangpulo dua kota tonna diloterei unturu’ pa’rapuanna, dio mai suku Ruben sia dio mai suku Gad sia dio mai suku Zebulon.

YOSUA 21:7 Referans Kwoze

1 OSSORANNA DATU 6:63

Na lako pa’rapuanna bati’na Merari diloterei (nadiben) sangpulo dua kota dio mai suku Ruben, dio mai suku Gad na dio mai suku Zebulon.

KADIBILANGAN 3:20

Na iatu anakna Merari situru’ pa’rapuanna, iamotu Mahli na Musi. Iamote tu pa’rapuanna to Lewi unturu’ rapunna.

KATASSURAN 6:19

Naalami Amram tu Yokhebed, pa’indoranna, napobainei, napadadianni tu Harun sola Musa. Mintu’ tu taun kadadianna Amram saratu’ tallungpulo mpitu.

YOSUA 21:6

Iatu to Gerson unnappa’ sangpulo tallu kota tonna diloterei, dio mai pa’rapuan suku Isakhar sia dio mai suku Asyer sia dio mai suku Naftali sia dio mai sesena suku Manasye dio Basan.

YOSUA 21:8

Iate mai kota sola padang kariuanna napa’bengan to Israel lako Lewi tonna diloterei susitu mangka Napasan PUANG nalopian Musa.

1 OSSORANNA DATU 6:62

Na lako pa’rapuanna bati’na Gerson (diben) kota sangpulo tallu dio mai suku Isakhar, dio mai suku Asyer, dio mai suku Naftali sia dio mai suku Manasye dio Basan.