YOSUA 21:44 - Sura' Madatu

⁴⁴ Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.

YOSUA 21:44 Referans Kwoze

YOSUA 11:23

Mintu’ tondok iato natalo nasang Yosua situru’ tu mintu’ Napokadannamo PUANG lako Musa, napa’benganni Yosua lako to Israel la napomana’ situru’ tu bilanganna tu mai sukunna. Marampa’mi tu tondok dio mai tananan ra’.

IBRANI 4:9

Iake susito tontong ia tu misa’ kapelayoan allo katorroan lako taunNa Puang Matua.

KATASSURAN 23:31

Iatu lili’ tondokmu la Kukamaseangko randuk dio mai tasik Teberau sae lako tasik to Filistin sia dio mai padang pangallaran sae lako salu Efrat belanna mintu’ tau lan tondok iato la Kusorong tama limammu, ammu rambai tu tau iato mai dio mai tingayomu.

YOSUA 22:9

Sulemi tu mintu’ to Ruben sia to Gad sia sesena suku Manasye, natampei tu to Israel lan mai Silo dio tondok Kanaan, anna male lako tondok Gilead, iamotu padang mana’na, tu napomana’ susitu Napa’parentan PUANG nalopian Musa.

YOSUA 22:4

Totemo Nakamaseimo karapasan PUANG, Kapenombammi, tu mintu’ siulu’mi, susitu pangallu’Na lako kalemi. Iamoto melo ke malemokomi sule lako to’ tendami, lako tondok mana’mi, tu nabenkomi Musa, taunNa PUANG, sambalinna lu Yordan.

YOSUA 1:15

sae lako mangkanna Nakamasei PUANG katorroan tu mintu’ siulu’mi susi kamu, anna pomana’ dukai tau iato mai tu padang, tu la Nakamaseanni PUANG, Kapenombammi. Mangkato mimane sule lako padang mana’mi ammi pomana’i, tu nabenkomi Musa, taunNa PUANG, sambalinna lu Yordan, dio rampe matallo.

YOSUA 1:13

Kilalai tu kada, napepasanan Musa, taunNa PUANG, lako kalemi, kumua: PUANG, Kapenombammi, ungkamaseangkomi karapasan sia Iamo la umbenkomi te tondok iate.

KATASSURAN 33:14

Ma’kadami PUANG Nakua: Aku Kalenaraka la ussolangko, anna pomatanai penaammu?

PA’TOLE 21:10

Iake tassu’ko male urrarii ualimmu, Nasorongmi PUANG, Kapenombammu, tama kuasammu tu tau iato, ammu rampai tu ba’tu pira-pira tau,

YOSUA 23:1

Iatonna masaimo mangkanna Nakamasei karapasan PUANG tu to Israel dio mai mintu’ ualinna tiku lao sia matuamo tu Yosua sia matessekmo,

YESAYA 63:14

Susito patuoan ma’palurokko lombok susi dukamoto tu tau iato mai Napopelayo PenaanNa PUANG, susimoto tu kaurrendenamMi taumMi, la umpadenangKomi sanga mala’bi’.

PA’TOLE 2:36

Randuk dio mai Aroër, dio biringna salu’-salu’ Arnon, sia kota diong lombok, sae lako Gilead, moi misa’ tae’ kota tu tang la takulle untaloi. Iatu PUANG, Kapenombanta, Nasorong nasangmo lako kaleta tu mintu’nato.

YOSUA 1:5

Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

YOSUA 2:24

Ma’kadami lako Yosua, nakua: Tonganna Nasorongmo PUANG te mintu’ tondok iate tama limanta, belanna ma’parondomo tu mintu’ to lan tondok iato ungkataku’ki’.

YOSUA 11:8

Nasorongmi PUANG tama limanna to Israel anna taloi sia naula’ sae lako Sidon-Kapua sia sae lako Misrefot-Maim, sia sae lako lombok Mizpa ma’palulako matallo. Napateimi tu tau iato, moi misa’ tae’ nalussuran.

YOSUA 11:12

Sia natalo Yosua tu mintu’ kotana datu iate sia mintu’ datunna, sia napatei pa’dang, sia nasabu’i butung pepayu, susitu napasan Musa, taunNa PUANG.

2 OSSORANNA DATU 13:16

Anna sisarambuan mallai tu to Israel dio tingayona to Yehuda, Nasorongi Puang Matua tama limanna.