YOSUA 19:10 - Sura' Madatu

¹⁰ Napamanassami loterei ma’pentallun tu taa mana’na to Zebulon unturu’ pa’rapuanna. Iatu anggenna taa mana’na sae lako Sarid.

YOSUA 19:10 Referans Kwoze

YOSUA 18:11

Napamanassami loterei tu taa mana’na suku Benyamin unturu’ pa’rapuanna, na iatu lili’ padangna tu napamanassa loterei, naparitangnga to Yehuda na bati’na Yusuf.

YOSUA 18:6

La misura’mo tu padang iato tu mangkamo ditaa pitu ammi baai lako kaleku, angku lotereiangkomi inde te dio oloNa PUANG, Kapenombanta.

KADADIAN 49:13

Iatu Zebulon la torro dio biring tasik, dio biring tasik nanii kappala’, sia umpopollo’ Sidon.

YOSUA 19:9

Iatu taa mana’na to Simeon diala lan mai taa mana’na to Yehuda. Belanna iatu to Yehuda tarru’ buda napotaa, iamoto naketaa tu to Simeon dio lu tau iato mai.

YOSUA 19:11

Iatu anggenna dio rampe matampu’ ma’palulangngan Marala, natu’tun lako Dabeset, anna sae sikandappi’ biring salu’-salu’ sitingoan Yokneam.

YEHEZKIEL 48:26

Iatu siampingna lili’na Isakhar, randuk dio mai rampe matallo sae lako rampe matampu’ misa’ taa napotaa Zebulon.

KADADIAN 35:23

Mintu’ muane tu anakna Lea iamo Ruben, pa’bunga’na Yakub, namane Simeon, Lewi, Yehuda, Isakhar na Zebulon.