YOSUA 18:6 - Sura' Madatu

⁶ La misura’mo tu padang iato tu mangkamo ditaa pitu ammi baai lako kaleku, angku lotereiangkomi inde te dio oloNa PUANG, Kapenombanta.

YOSUA 18:6 Referans Kwoze

YOSUA 14:2

Diona pa’loterei napada dipamanassa tu taa mana’na, susitu Napasan PUANG nalopian Musa diona tu suku kasera ssangsese.

YOSUA 18:10

Nalotereiammi Yosua tu tau iato mai dio Silo dio oloNa PUANG, sia nataa-taa Yosua inde to dio lako to Israel tu padang iato, unturu’ bilangan sukunna.

PENGGAURANNA RASULU’ 13:19

Iatonna mangkamo ummangsanni tu tau pitu bangsana dio tana Kanaan, nataa-taanni tu padangna napomana’i tinde tau,

SARAMBU PEADA’ 18:18

Iatu pa’loterei untorei kasigagan sia umpasisarak to paa.

SARAMBU PEADA’ 16:33

Iatu pa’ loterei dirogan-rogan diong bantanan, apa iatu ra’ta’na simisa’-misa’ lu dio mai PUANG.

PA’PUDIAN 105:11

tu nakua kadanNa: La Kutekkenniko tana Kanaan, mana’ diba’giangko.

YOSUA 18:8

Ke’de’mi male tu tau iato mai. Iatonna la ke’de’mo tu tau iato mai, napasanmi Yosua ussura’i tu padang iato, nakua: Malemokomi ullelei tu padang iato, ammi sura’i mimane sule lako kaleku; mangkato kulotereiangkomi inde te dio Silo dio oloNa PUANG.

KADIBILANGAN 34:13

Mepasanmi tu Musa lako to Israel nakua: Iamote tu tondok la pantan mipamanassa tu taa mana’na tete dio pa’loterei, tu Napepasanammo PUANG.

KADIBILANGAN 33:54

Na tondok iato pada la mipamanassa situru’ pa’loterei tu mipotaa mana’ unturu’ pa’rapuammi, iamotu ianna pa’rapuan makamban la mipakapua tu taa mana’na, ianna pa’rapuan tang makamban la mipasidi’ tu taa mana’na. Iatu apa dipamanassan tau iato tete dio pa’loterei, manassa pada la napoapamo; situru’ tu suku nene’mi pada la mipamanassammo tu taa mana’na.

YOSUA 18:7

Iatu to Lewi tae’ nadipaketaa dio lu kalemi, belanna iatu katominaan, tu natoean PUANG, iamoto tu taa mana’na. Na iatu Gad sia Ruben sia sesena suku Manasye mangkamo unnappa’ taa mana’ sambalinna lu Yordan dio rampe matallo, tu napa’bengan Musa, taunNa PUANG, lako tau iato mai.