YOSUA 16:8 - Sura' Madatu

⁸ Iatu anggenna dio mai Tapuah ma’palulako rampe matampu’ lako salu’-salu’ Kana, na iatu tampakna sae lako to’ tasik. Iamoto tu taa mana’na rapu to Efraim unturu’ pa’rapuanna.

YOSUA 16:8 Referans Kwoze

YOSUA 19:28

sia Ebron, Rehob, Hamon na Kana sae lako Sidon-Kapua.

YOSUA 12:17

datu Tapuah: misa’; datu Hefer: misa’;

KADIBILANGAN 34:6

Sia iatu passaparan padangmi dio rampe matampu’ iamotu tasik kapua sia biring tasik; iamote tu passaparammi dio rampe matampu’.

YOSUA 16:9

Sia ia duka tu kota dipasengaran to Efraim lan lu taa mana’na Manasye, iamotu mai kota sola kampongna.

YOSUA 17:7

Iatu angge padangna Manasye randuk dio mai Asyer sae lako Mikhmetat, tu dio rampe matallona Sikhem, anna ma’palusau’ lako inanna to umpa’tondokki En-Tapuah.

2 SAMUEL 2:9

naangka’i datunna mintu’ lili’na Gilead sia Asyuri sia lako mintu’ lili’na Yizreel sia to Efraim sia to Benyamin, iamotu mintu’ to Israel.

1 OSSORANNA DATU 7:28

Iatu padang mana’na sia iatu inan nanii torro iamotu Betel sola mintu’ lili’na, umporampe matallo Naaran, umporampe matampu’ Gezer sola mintu’ lili’na Sikhem sola mintu’ lili’na sae lako Aya sola mintu’ lili’na.

YEHEZKIEL 48:5

Iatu siampingna lili’na Manasye randuk dio mai rampe matallo sae lako rampe matampu’ misa’ taa napotaa Efraim.