YOSUA 16:3 - Sura' Madatu

³ anna ma’palurokko matampu’ lako lili’na to Yaflet sae lako lili’na Bet-Horon diongna lu sia tarru’ lako Gezer, na iatu tampak katonanna sae lako to’ tasik.

YOSUA 16:3 Referans Kwoze

2 OSSORANNA DATU 8:5

Napematoto’imi tu Bet-Horon Daona lu sia Bet-Horon Diongna lu, iamotu kota ditambakuku, dibenteng tembo’ sia disalliranni tu babanganna.

YOSUA 18:13

Inde to dio mai iatu anggenna tarru’ lako Lus, ma’palusau’ buntu ma’borongna Lus, iamoto tu Betel, namane ma’palurokko Atarot-Adar tu anggenna dao buntu lo’na lu Bet-Horon diongna lu.

YOSUA 10:33

Attu iato ke’de’mi tu Horam, datu Gezer la sae untundui Lakhis, apa natalo Yosua sola mintu’ taunna, naurungan moi misa’ tau tae’ bang nalussuran.

1 OSSORANNA DATU 7:28

Iatu padang mana’na sia iatu inan nanii torro iamotu Betel sola mintu’ lili’na, umporampe matallo Naaran, umporampe matampu’ Gezer sola mintu’ lili’na Sikhem sola mintu’ lili’na sae lako Aya sola mintu’ lili’na.

1 OSSORANNA DATU 7:24

Iatu anakna baine iamotu Seera, tu umbangun Bet-Horon Diongna lu na Bet-Horon Daona lu sia Uzen-Seera.

KADIBILANGAN 34:6

Sia iatu passaparan padangmi dio rampe matampu’ iamotu tasik kapua sia biring tasik; iamote tu passaparammi dio rampe matampu’.

1 SAMUEL 13:18

Iatu sangtuntunan unolai lalan lako Bet-Horon na iatu sangtuntunanna pole’o unnolai lalan ma’palulako lili’ tondok, tu daona lu lombok Zeboim, ma’palulako padang pangallaran.

1 OSSORANNA DATU 20:4

Mangkato dirariimi tu to Filistin dio Gezer; attu iato napateimi Sibkhai, to Husa tu Sipai, bati’na Refa, anna taloi tu tau iato.