YOSUA 16:10 - Sura' Madatu

¹⁰ Apa iatu to Kanaan tu umpa’tondokki Gezer tae’ naula’i, naurungan ma’tondok tu to Kanaan dio lu to Efraim sae lako allo iate, apa napotoma’diama.

YOSUA 16:10 Referans Kwoze

TO PARENGNGE’ 1:29

Susi dukato tu to Efraim, tae’ naula’i tu to Kanaan torro dio Gezer, naurunganni tu to Kanaan torro dio lu to Efraim dio Gezer.

1 DATU 9:16

Belanna ke’de’mo tu Firaun, datu Mesir untaloi tu Gezer sia nasumpun, sia napatei tu mintu’ to Kanaan torro lan kota iato, anna benni anakna, bainena Salomo, tu kota iato la napa’pabalian lan kasibalianna.

YOSUA 17:13

Iatonna mandumo matoto’ tu to Israel napotoma’diama duka tu to Kanaan, apa tae’ naula’i nasangi.

1 DATU 9:21

iamotu mintu’ bati’na tu torrona siapa undinna lan tondok iato, tu tang nabelanna to Israel urroto’i, naarak nasang Salomo napopa’diama lompo sae lako allo iate.

YOSUA 15:63

Apa tae’ nakulle to Yehuda unnula’i tu to Yebus, tu umpa’tondokki Yerusalem; iamoto natorro ma’tondok tu to Yebus sola to Yehuda dio Yerusalem sae lako allo iate.

YOSUA 10:33

Attu iato ke’de’mi tu Horam, datu Gezer la sae untundui Lakhis, apa natalo Yosua sola mintu’ taunna, naurungan moi misa’ tau tae’ bang nalussuran.

YOSUA 16:9

Sia ia duka tu kota dipasengaran to Efraim lan lu taa mana’na Manasye, iamotu mai kota sola kampongna.

YOSUA 17:12

Apa iatu to Manasye tae’ nabela untaloi tu mai kota iato, belanna matoto’mo tu to Kanaan torro umpa’tondokki.

1 DATU 9:15

Iamote tu bannangna naarakki datu Salomo tu tau la umbangunni tu banuanNa PUANG sia banua kalena, Milo, benteng tembo’ Yerusalem, Hazor, Megido na Gezer.

2 OSSORANNA DATU 8:8

iamotu mintu’ bati’na tu torrona siapa undinna lan tondok iato, tu tang nasabu’i to Israel, naarak Salomo napopa’diama lompoi sae lako allo iate.