YOSUA 15:11 - Sura' Madatu

¹¹ Iatu anggenna tassu’ ma’palurekke sae lako buntu mennaa’na Ekron; namane tilekko lako Sikron, tarru’ lako buntunna Baala, sia tarru’ sae lako Yabneel; na iatu tampak katonanna sae lako tasik rampe matampu’.

YOSUA 15:11 Referans Kwoze

2 DATU 1:16

Ma’kadami tu Elia lako datu nakua: Inde sia tu kadanNa PUANG: Belanna mesuako mekutana lako Baal-Zebub, deata to Ekron – tae’raka tu Puang Matua dio lu to Israel, tu ma’din minii undaka’ pa’timbangan – iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 1:6

Nakuami tu tau iato mai lako: Den misa’ tau sae umpessitammuikan sia ma’kada lako kaleki nakua: Sulemokomi lako datu tu ussuakomi, ammi ma’kada lako kumua: Inde sia tu kadanNa PUANG: Tae’raka Puang Matua dio lu to Israel ammu malera mekutana lako Baal-Zebub, deatanna to Ekron? Iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

1 SAMUEL 7:14

Namintu’ tu tondok narampa to Filistin dio mai to Israel sule nasang lako to Israel randuk dio mai Ekron sae lako Gat; susi dukato tu mintu’ lili’na, naala to Israel dio mai to Filistin; sia den kasikaeloanna tu to Israel na to Amori.

1 SAMUEL 5:10

Napalelemi tau iato mai tu pattinNa Puang Matua lako Ekron, apa iatonna rampo tu pattinNa Puang Matua lako Ekron silallakan tu pa’tondokan dio Ekron, nakua: Nabaamo tu pattinNa Kapenombanna to Israel lako kaleta, la moraimo umpateiki’ sola sukunta.

YOSUA 15:45

Sia Ekron sola lili’na sia kampongna.

YOSUA 15:9

Namane tilekko tu anggenna dao mai botto buntu iato lako to’ kalimbuang dio Me-Neftoah, namane rampo lako mintu’ kota dao lu buntu Efron; namane iatu anggenna tilekko lako Baala, iamo tu Kiryat-Yearim.

YOSUA 15:10

Namane tilekko tu anggenna dio mai Baala rampe matampu’ lako buntu Seir, namane ma’palurekke lako buntu ma’borongna Yearim, iamo tu Kesalon; namane ma’palurokko Bet-Semes, natarru’ lako Timna.

YOSUA 15:12

Iatu anggenna dio rampe matampu’ iamotu tasik Kapua sia biringna. Iamoto tu mintu’ angge padangna to Yehuda tiku lao unturu’ pa’rapuanna.

1 SAMUEL 17:52

Ta’pa ke’de’ nasangmi tu mintu’ to Israel sia to Yehuda, anna unnarrak-arrak unnula’ to Filistin lu lako Gat sia babangan Ekron. Na iatu mintu’ to Filistin dimangsanni siapanan dio lu lalan lu lako Saaraim sae lako Gat sia Ekron.

KADIBILANGAN 34:6

Sia iatu passaparan padangmi dio rampe matampu’ iamotu tasik kapua sia biring tasik; iamote tu passaparammi dio rampe matampu’.

TO PARENGNGE’ 1:18

Natalo pole’omi Yehuda tu Gaza sola mintu’ lili’na sia Askelon sola mintu’ lili’na sia Ekron sola mintu’ lili’na.

1 SAMUEL 5:8

Iamoto anna ditambai ma’kombongan tu mintu’ arung kota to Filistin, anna ma’kada nakua: La tapatumbai tu pattinNa Kapenombanna to Israel? Mebalimi tu mintu’ arung nakua: Melo ke dipalelei tu pattinNa Kapenombanna to Israel, lako tondok Gat. Napalelemi tu pattinNa Kapenombanna to Israel.

2 OSSORANNA DATU 26:6

Tassu’mi tu datu urrarii to Filistin, natuanni tu benteng tembo’na Gat sia Yabne sia Asdod, nabangunmi tu ba’tu pira-pira benteng sikandappi’ Asdod sia lan lili’na to Filistin.