YOSUA 15:10 - Sura' Madatu

¹⁰ Namane tilekko tu anggenna dio mai Baala rampe matampu’ lako buntu Seir, namane ma’palurekke lako buntu ma’borongna Yearim, iamo tu Kesalon; namane ma’palurokko Bet-Semes, natarru’ lako Timna.

YOSUA 15:10 Referans Kwoze

TO PARENGNGE’ 14:1

Malemi tu Simson lako Timna, natiroi dio Timna tu misa’ baine, misa’ pia baine to Filistin.

TO PARENGNGE’ 14:5

Malemi tu Simson sola ambe’na sia indo’na lako Timna. Iatonna rampomo lako buntu nanii pa’lak anggoro’na to Timna, pakalan sitammumi misa’ singa mangura umburrung-burrung.

YOSUA 15:57

Kain, Gibea sia Timna; mintu’ tu kota iato sangpulo sola kampongna;

YOSUA 15:11

Iatu anggenna tassu’ ma’palurekke sae lako buntu mennaa’na Ekron; namane tilekko lako Sikron, tarru’ lako buntunna Baala, sia tarru’ sae lako Yabneel; na iatu tampak katonanna sae lako tasik rampe matampu’.

YOSUA 21:16

Ain sola padang kariuanna, Yuta sola padang kariuanna, na Bet-Semes sola padang kariuanna: kasera tu kota dio mai te da’dua suku.

1 SAMUEL 6:9

Tiro meloi, ianna ma’palulako lili’ tondokna, iamotu Bet-Semes, manassamo kumua Puang umparampoi tu kasanggangan kapua iate lako kaleta. Apa iake tae’i nama’palulako, taissanmo kumua tangia limanNa umpandasaki’, sangadinna inang toto’tamo kita.

2 SAMUEL 6:2

Mangkato ke’de’mi tu Daud sola tu mintu’ to nasolan dio mai Baale-Yehuda, la umbaai inde to diong mai tu pattinNa Puang Matua, tu dinii ussa’bu’ sanga iato, iamotu sanganNa PUANGna mintu’ ma’dandan maritik, tu unnisung dao karubion.

YOSUA 19:38

Yiron, Migdal-El, Horem, Bet-Anat na Bet-Semes. Mintu’na to sangpulo kota sola kampongna.

2 DATU 14:11

Apa tae’ naperangii Amazia. Iamoto ke’de’mi tu Yoas, datu Israel, anna sipempangan sirari la ia la Amazia, datu Yehuda, dio Bet-Semes, lan lili’na Yehuda.

2 OSSORANNA DATU 28:18

Sia iatu to Filistin ullaoi mintu’ kota dio Padang Merrantena sia Padang Rampe sau’ lan lili’na Yehuda; Natalomo tu Bet-Semes, Ayalon, Gederot, Sokho sia mintu’ tondok lan lili’na, Timna sia mintu’ tondok lan lili’na, Gomzo sia mintu’ tondok lan lili’na, anna pa’tondokki dio.