YOSUA 14:4 - Sura' Madatu

⁴ Sia iatu bati’na Yusuf da’duamo suku, iamotu Manasye sola Efraim. Sia tae’ nabenni mana’ lan tondok tu to Lewi, sangadinna ba’tu pira-pira kota la napa’tondokki sia padang kariuan tu nanii sapinna sia dombana sia bembe’na sia mintu’ barang apanna.

YOSUA 14:4 Referans Kwoze

KADADIAN 48:5

Totemo iatu anakmu sola duai tu Efraim sola Manasye, tu dadi inde tondok Mesir kumane sae inde Mesir, anakku to pada Ruben na Simeon.

KADADIAN 41:51

Iatu anak pa’bunga’na Yusuf nasangai Manasye belanna nakua: Napa’deimo Puang Matua lan mai penaangku mintu’ kamaparrisangku sia mintu’ to lan banuanna ambe’ku.

KADADIAN 46:20

Iatu lakona Yusuf dadi dio tana Mesir tu Manasye sola Efraim, tu napadadianni Asnat, anakna Potifera, to minaa dio On.

KADADIAN 48:1

Undinnato napokadami tau lako Yusuf kumua: Iatu ambe’mi masaki. Nasolan duami Yusuf tu anakna, Manasye na Efraim.

KADIBILANGAN 26:28

Iatu bati’na Yusuf situru’ pa’rapuanna iamotu Manasye sola Efraim.

2 OSSORANNA DATU 30:1

Attu iato nasuami Hizkia tu ba’tu pira-pira pesua umpa’peissananni lako mintu’ to Israel sia to Yehuda, ondongpi umpa’pea sura’ lako to Efraim sia to Manasye, kumua nasangsaean nasang tu tau iato mai lako to’ banuanNa PUANG dio Yerusalem la umpakarayanni PUANG, Kapenombanna to Israel, tu Pa’pasa.

KADADIAN 41:52

Iatu anak ma’penduanna nasangai Efraim, nakua: Belanna Napopembati’mo’ Puang Matua lan tu tondok kunii dipakario-rio.

KADADIAN 48:6

Apa iatu bati’mu tu muappa’ undi na iate tau da’dua, anakmu iko to, la umposanga sanganna siulu’na lan taan mana’.

YOSUA 16:4

Den duka tu taa mana’na Manasye sola Efraim, anakna Yusuf.