YOSUA 13:25 - Sura' Madatu

²⁵ Napotaamo tu lili’na Yaezer sia mintu’ kota Gilead sia sesena padang to Amon sae lako Aroër, tu sitingoan Raba,

YOSUA 13:25 Referans Kwoze

2 SAMUEL 12:26

Naloimi Yoab tu tondok Raba to Amon, anna taloi tu kota datu.

2 SAMUEL 11:1

Tonna tituka’mo pentaunan, tu biasa nanii datu tassu’, nasuami Daud tu Yoab sia mintu’ surodadunna sia mintu’ to Israel male ussanggang to Amon sia umpatama limbu tondok Raba. Apa iatu Daud torro dio Yerusalem.

PA’TOLE 3:11

Ia manna tu Og, datu Basan, tu to Refaim tampakna torro; manassa iatu mammaranna mammaran bassi; inang den dio Raba to Amon. Iatu kalandona kasera siku na iatu kalua’na a’pa’ siku situru’ suka’ siku biasa.

KADIBILANGAN 32:35

Atarot-Syofan, Yaezer, Yogbeha,

AMOS 1:14

iamoto angKu la umpadukkui api tu lanna lu rinding tembo’na Raba, naurungan unnimbakanni tu bentengna, naturu’ arrak ke attu kasirarian, sia ongngo’ angin bara’, ke attu talimpuru’;

YEHEZKIEL 21:20

sura’i tu misa’ lalan la naola pa’dang ullaoi Raba to Amon sia ullaoi duka Yehuda, sae lako Yerusalem tu ditambakuku.

YOSUA 21:39

Hesbon sola padang kariuanna na Yaezer sola padang kariuanna. Mintu’na to a’pa’ kota.

PA’TOLE 2:19

ammu rampo sikandappi’ to Amon; da mupamasussai tau iato sia da murosoi, belanna iatu tondokna to Amon, moi sangbidang tae’ Kula umbenko, belanna Kusorongmo lako bati’na Lot la napoapa.

KADIBILANGAN 21:32

Mangkato nasuami Musa tu tau lao umparessa buni Yaezer, natalomi tu lili’na, sia naula’ tu to Amori torro lan.

YOSUA 13:11

sia Gilead sia lili’na to Gesur sia to Maakha sia mintu’ buntu Hermon sia mintu’ Basan sae lako Salkha,

YOSUA 13:24

Inde sia tu napa’bengan Musa lako suku Gad, iamotu to Gad, unturu’ pa’rapuanna:

YOSUA 13:26

iamotu padang randuk dio mai Hesbon sae lako Ramat-Mizpa sia Betonim, sia randuk dio mai Mahanaim sae lako lili’na Debir;

2 SAMUEL 24:5

Ullambanmi Yordan tu tau iato mai anna ma’tenda dio Aroër, rampe lo’na lu kota, lan tangngana lombok Gad, sia dio Yaezer.

1 OSSORANNA DATU 6:81

Hesbon sola padang kariuanna na Yaezer sola padang kariuanna.

1 OSSORANNA DATU 26:31

Dio mai to Hebron iamotu Yeria, pangulunna bati’na sia rapunna to Hebron; Iatonna taun ma’patangpulona kadatuanna Daud diparessami tu tau iato mai, anna diapparan tu ba’tu pira-pira pa’barani lalong dio Yaezer lan lili’na Gilead.

YESAYA 16:8

Belanna mintu’ tananan dio Hesbon marangkemo: iamotu mintu’ kayu anggoro’na Sibma tu napasiapanammo mintu’ to ma’parentana bangsa iato mai tu bua melona, iatu mai tangkena sae lako Yaezer, kumpang lako padang aak, iatu mai takke’-takke’na mendolok tama tasik.

YEREMIA 48:32

La kutangi’iko, e garonto’ anggoro’ Sibma ondong na iatu tangi’na Yaezer; iatu tangkemu membalaba’ tama tasik sia rampo lako Yaezer; iatu pa’rampunanna mintu’ buammu sia peanggoro’mu nalaoi pa’kasanggang.

TO PARENGNGE’ 5:17

Iatu Gilead torro bang kappa sambalinna lu Yordan, ma’apai tu Dan natorro bang dio to’ kappala’? Iatu Asyer torro bang dio lu biring tasik kalua’, sia torro bang ma’pakappa dio lu to’ tasik mengkokona.

YESAYA 17:2

Mintu’ kota Aroër la lo’bang, nanii panglambaran domba, tu silengaran dio natae’ tau la umpatumba lenni.