YOSUA 13:11 - Sura' Madatu

¹¹ sia Gilead sia lili’na to Gesur sia to Maakha sia mintu’ buntu Hermon sia mintu’ Basan sae lako Salkha,

YOSUA 13:11 Referans Kwoze

1 OSSORANNA DATU 2:23

Apa iatu Gesur sola Aram unnala kampong. Mintu’ kampong iato iamotu Kenat sia mintu’ lili’na, annan pulona kampong. Mintu’ kampong iato nalili’ parentana Makhir, ambe’na Gilead.

KADADIAN 37:25

Mangkato nno’ko’mi sola nasangi la ungkande roti. Nabangunammi tu matanna anna tiroi, tu to ma’patteke’ unta, to Ismael lu dio mai Gilead sibaa untana napatteke’i lite sia pebangki’ sia kamanian, la ma’palulako Mesir.

KADIBILANGAN 32:29

sia ma’kada tu Musa lako nakua: Iake solakomi to Gad sia to Ruben ullamban Yordan la parari dio oloNa PUANG, iamotu pantan to sakka’mo la parari, sia iake ditalomi tu tondok dio tingayomi, manassa la miben tau iato tu tondok Gilead napotondok.

PA’TOLE 3:10

iamotu mintu’ kota dao rante membuntunna, na ia duka tu mintu’ Gilead sia mintu’ Basan sae lako Salkha sia Edrei, iamotu kota lan kaparentanna Og dio Basan.

YOSUA 11:3

lako to Kanaan tu dio rampe Matallo sia rampe Matampu’, sia lako to Amori, to Het, to Feris, to Yebus tu dao lu buntu, sia to Hewi, tu diong se’pon Hermon, dio lili’na Mizpa.

YOSUA 13:2

Inde sia tu padang torropa, iamotu mintu’ lili’na to Filistin sia mintu’ padang to Gesur,

YOSUA 13:10

sia mintu’ kotana Sihon, datu to Amori, tu ma’parenta dio Hesbon, sae lako lili’na to Amon;

YOSUA 13:25

Napotaamo tu lili’na Yaezer sia mintu’ kota Gilead sia sesena padang to Amon sae lako Aroër, tu sitingoan Raba,

YOSUA 17:5

Susimoto tu taana Manasye dipa’sangpulo, sangadinna Gilead sola Basan, tu sambalinna lu Yordan,

1 OSSORANNA DATU 5:11

Iatu bati’na Gad ma’tondokmo sitingayo tau iato mai dio padang Basan sae lako Salkha.

1 SAMUEL 13:7

Den duka pira to Ibrani ullamban Yordan, anna male lako Gad sia Gilead, tonna torropa tu Saul dio Gilgal; iatu mintu’ to umbumbunni tu boko’na mataku’ sia ma’parondo.