YOSUA 12:7 - Sura' Madatu

⁷ Inde sia tu mintu’ datunna tondok, tu natalo Yosua sia mintu’ to Israel rampe matampu’na Yordan, randuk dio mai Baal-Gad diong lombok Libanon sae lako Buntu Karing tu ma’palulangngan Seir. Napa’bengan Yosua tu tondokna lako mintu’ sukunna Israel, la napomana’ situru’ tu bilanganna sukunna;

YOSUA 12:7 Referans Kwoze

YOSUA 11:17

randuk dio mai Buntu Karing, tu ma’palulangngan Seir sae lako Baal-Gad diong lombok Libanon, diong garonto’ buntu Hermon. Natalomi tu mintu’ datunna sia napatei.

YOSUA 11:23

Mintu’ tondok iato natalo nasang Yosua situru’ tu mintu’ Napokadannamo PUANG lako Musa, napa’benganni Yosua lako to Israel la napomana’ situru’ tu bilanganna tu mai sukunna. Marampa’mi tu tondok dio mai tananan ra’.

YOSUA 9:1

Iatonna rangimi mintu’ datu, tu torro dio rampe matampu’na Yordan, la daona lu Buntu, la diongna lu Padang Merrantena sia iatu dio biring tasik Kapua sae lako tu sitingoanna Libanon, iamotu to Het, to Amori, to Kanaan, to Feris, to Hewi na to Yebus,

YOSUA 3:17

Apa iatu mintu’ to minaa, tu umbulle patti basseNa PUANG, bendan bantang dio to’ karangkeanna lan tangnga Yordan, anna tongke lamban tu mintu’ to Israel dio to’ karangkeanna sae lako tappunna tu mintu’ bangsa iato ullamban Yordan.

PA’TOLE 2:4

Pasanni tu bangsa iate, kumua: Totemo malekomi ullendu’i tu lili’ tondokna siulu’mi, bati’na Esau, tu umpa’tondokki Seir; manassa la nakataku’komi tau iato; kanandaikomi kalemi.

PA’TOLE 2:1

Undinnato tibalikmoki’ anta ke’de’ lako padang pangallaran, ma’palulako tasik Teberau, susitu Napokada PUANG lako kaleku; ba’tu sangapa-apa allona tanii ullilingi tu ma’buntunna Seir.

KADADIAN 36:30

Sia Disyon, Sia Ezer na Sia Disyan; iamote tu pangala tondokna to Hori, pantan sibaa rapunna dio tana Seir.

KADADIAN 36:20

Inde sia tu muane bati’na Seir, to Hori, tu untorroi padang iato, iamotu Lotan, Syobal, Zibeon na Ana,

KADADIAN 36:8

Iamoto anna torro tu Esau dio buntu Seir na iatu Esau, iamo diganti Edom.

KADADIAN 32:3

Nasuami Yakub tu ba’tu pira-pira tau male dolo umpessitiroi Esau, siulu’na, lako tana Seir, iamo lili’na Edom.

KADADIAN 14:6

Sia to Hori dao buntunna, disanga Seir sae lako padang El-Paran, dio randan padang pangallaran.

PA’PUDIAN 135:11

La Sihon, datu to Amori, la Og, datu Basan, sia mintu’ kadatuan dio Kanaan;