YOSUA 12:6 - Sura' Madatu

⁶ Iatu Musa, taunNa PUANG, sola to Israel untaloi tu tau iato mai, anna pa’benganni Musa, taunNa PUANG, tu tondok iato lako to Ruben sia to Gad sia sesena suku Manasye la napomana’.

YOSUA 12:6 Referans Kwoze

KADIBILANGAN 32:33

Attu iato napa’benganmi Musa lako to Gad sia to Ruben sia lako sangsesena suku Manasye, anakna Yusuf, tu parentana Sihon, datu to Amori, sia parentana Og, datu Basan, sia nataa tu tondok situru’ tu mintu’ kota lan mintu’ lili’na, iamotu mai kotana tondok tiku lao.

KADIBILANGAN 32:29

sia ma’kada tu Musa lako nakua: Iake solakomi to Gad sia to Ruben ullamban Yordan la parari dio oloNa PUANG, iamotu pantan to sakka’mo la parari, sia iake ditalomi tu tondok dio tingayomi, manassa la miben tau iato tu tondok Gilead napotondok.

KADIBILANGAN 32:32

Kami kalena la sakka’ lamban lako tondok Kanaan dio oloNa PUANG, apa iatu taa mana’ki la sambalinna lu Yordan.

YOSUA 14:3

Belanna mangkamo tu Musa umbenni taa mana’ tu da’dua suku ssangsese sambalinna lu Yordan; apa iatu to Lewi tae’ nabenni mana’ dio lu tau iato mai.

YOSUA 18:7

Iatu to Lewi tae’ nadipaketaa dio lu kalemi, belanna iatu katominaan, tu natoean PUANG, iamoto tu taa mana’na. Na iatu Gad sia Ruben sia sesena suku Manasye mangkamo unnappa’ taa mana’ sambalinna lu Yordan dio rampe matallo, tu napa’bengan Musa, taunNa PUANG, lako tau iato mai.

YOSUA 22:4

Totemo Nakamaseimo karapasan PUANG, Kapenombammi, tu mintu’ siulu’mi, susitu pangallu’Na lako kalemi. Iamoto melo ke malemokomi sule lako to’ tendami, lako tondok mana’mi, tu nabenkomi Musa, taunNa PUANG, sambalinna lu Yordan.

1 DATU 4:19

na Geber, anakna Uri, dio lili’na Gilead, parentana Sihon, datu to Amori, sia Og, datu Basan, sia ia manna to maraya dio tondok iato.