YOSUA 12:5 - Sura' Madatu

⁵ Sia umparenta buntu Hermon, Salkha sia mintu’ Basan sae lako lili’na to Gesur sia to Maakha sia sesena Gilead, sae lako lili’na Sihon, datu Hesbon.

YOSUA 12:5 Referans Kwoze

PA’TOLE 3:14

Iatu Yair bati’na Manasye, unnala mintu’ lili’na Argob sae lako lili’na to Gesur sia to Maakha, nasangai tu iannate, iamotu Basan, napasikona sanganna, iamotu kampongna Hawot-Yair, sae lako allo iate.

1 SAMUEL 27:8

Ke’de’mi tu Daud sola mintu’ taunna ullaoi tu to Gesur sia to Girzi sia to Amalek; belanna tau iato mai umpa’tondokki tondok ma’palusau’ Syur sae lako Mesir pirambongi’.

YOSUA 13:11

sia Gilead sia lili’na to Gesur sia to Maakha sia mintu’ buntu Hermon sia mintu’ Basan sae lako Salkha,

2 DATU 25:23

Iatonna rangimi mintu’ kamandang surodadu sisola surodadunna, kumua naangka’mo datu Babel tu Gedalya dadi pangulu, saemi tu tau iato mai lako Gedalya dio Mizpa, iamotu Ismael, anakna Netanya sia Yohanan, anakna Kareah, sia Seraya, anakna Tanhumet, to Netofa, sia Yaazanya, anakna to Maakha, sisola surodadunna.

2 SAMUEL 23:34

na Elifelet, anakna Ahasbai, anakna misa’ to Maakhati; na Eliam, anakna Ahitofel, to Gilo;

2 SAMUEL 15:8

Belanna dolona tongki torropa dio Gesur lan tondok Aram, mangallonanna’, kukua: Iake Napasule siana’ PUANG lako Yerusalem, manassa la mengkaolana’ lako PUANG.

2 SAMUEL 13:37

Iatu Absalom mallaimo, ann male umpellambi’i Talmai, anakna Amihur, datu Gesur. Apa tontong ia napomasussa Daud kiallo-kiallo tu anakna.

2 SAMUEL 3:3

Iatu ma’penduanna disanga Kileab, nadadian Abigail, pura bainena Nabal, to Karmel, na iatu ma’pentallunna disanga Absalom, nadadian Maakha, anakna Talmai, datu Gesur;

YOSUA 12:1

Inde sia tu mintu’ datunna tondok tu natalo to Israel sia naala tu padangna rampe matallona Yordan, randuk dio mai salu’-salu’ Arnon sae lako buntu Hermon sia mintu’ lili’na Araba-Yordan ma’palulako rampe matallo.

YOSUA 11:3

lako to Kanaan tu dio rampe Matallo sia rampe Matampu’, sia lako to Amori, to Het, to Feris, to Yebus tu dao lu buntu, sia to Hewi, tu diong se’pon Hermon, dio lili’na Mizpa.

1 OSSORANNA DATU 5:11

Iatu bati’na Gad ma’tondokmo sitingayo tau iato mai dio padang Basan sae lako Salkha.

YEREMIA 40:8

saemi tu tau iato mai lako Gedalya dio Mizpa, iamotu Ismael anakna Netanya sia Yohanan sia Yonatan, anakna Kareah sia Seraya, anakna Tanhumet sia anakna Efai, to Netofa sia Yezanya, anakna to Maakha sisola surodadunna.