YOSUA 12:2 - Sura' Madatu

² Iamotu Sihon, datu to Amori, tu torro dio Hesbon, tu ma’parenta randuk dio mai Aroër dio biring salu’-salu’ Arnon, iamo tu dio to’ sisamanna salu’-salu’ iato, sia sesena Gilead sae lako salu’-salu’ Yabok, tu sikatonan to Amon;

YOSUA 12:2 Referans Kwoze

KADADIAN 32:22

Ke’de’mi tu Yakub to bongi iato, nasolanni tu bainena da’dua sia baine kaunanna sia anakna sangpulo misa anna lamban dio kalambanan salu Yabok.

PA’PUDIAN 135:11

La Sihon, datu to Amori, la Og, datu Basan, sia mintu’ kadatuan dio Kanaan;

NEHEMIA 9:22

Sia Miben tau iato mai tu ba’tu pira-pira kadatuan sia bangsa sia Mitaa-taa tu kadatuan iato lako tau iato mai susi tampak padang, anna alai napomana’ tu tondokna Sihon, datu Hesbon, sia tondokna Og, datu Basan.

TO PARENGNGE’ 11:22

Naalami napomana’ tu mintu’ lili’ to Amori, randuk dio mai salu Arnon sae lako salu Yabok sia randuk dio mai padang pangallaran sae lako salu Yordan.

TO PARENGNGE’ 11:13

Mebalimi tu datu to Amon lako pesuanna Yefta, nakua: Iatu to Israel, tonna tassu’ dio mai Mesir, urrampa lili’ tondokku, randuk dio mai salur Arnon sae lako salu Yabok sia sae lako salu Yordan. Totemo pasulean melo bangmo’.

1 OSSORANNA DATU 5:8

na Bela, anakna Azas, anakna Sema, anakna Yoël; iamo umpa’tondokki Aroër sia sae lako Nebo na Baal-Meon;

YEREMIA 48:19

Bendanko dio biring lalan sia tiro-tiroi, e baine torro lan Aroër; kutanai tu muane mallai sia iatu baine tilendok, kumua: Apamora tu mangka dadi?

PA’TOLE 1:4

tonna mangkamo untaloi tu Sihon, datu to Amori, tu ma’tondok dio Hesbon, sia Og, datunna Basan, tu ma’tondok dio Astarot, dio Edrei.