YOSUA 11:6 - Sura' Madatu

⁶ Ma’kadami tu PUANG lako Yosua, Nakua: Da mukataku’i tu tau iato mai, belanna masiang attu susite la Kusorong nasang natalo to Israel; iatu mai darang la muka’tu ura’ lentekna sia la muballa tu mintu’ karetana.

YOSUA 11:6 Referans Kwoze

YOSUA 10:8

Ma’kadami PUANG lako Yosua, Nakua: Da mukataku’i tu tau iato mai, belanna la Kusorong tama kuasammu, moi misa’ tu tau iato tang nasara bendan dio tingayomu.

2 SAMUEL 8:4

Narampami Daud sangsa’bu pituratu’ tu pakkanarang sia to lumingkana duangpulo sa’bu sia napesuan Daud ungka’ta’i tu mintu’ ura’ lette’na darang kareta, apa iatu saratu’ napopa’elo’na.

1 SAMUEL 11:9

Nakuami lako to disua sae: Susite tu la mipokadan to Yabesy dio Gilead, kumua: masiang la sae tu kadirampanammi, ke kulla’i allo. Tonna rampomo tu to disua napokadammi to Yabesy tu iannato, anna parannu tu tau iato mai.

TO PARENGNGE’ 20:28

na Pinehas, anakna Eleazar, anakna Harun, tu umpogau’ toeanna allo iato dio oloNa Puang. Anna ma’kada tu tau iato mai nakua: Ma’dinra’ka la male pole’ sirari bati’na Benyamin, siulu’ku, ba’tu la kutorroimoraka? Ma’kadami tu PUANG Nakua: Ke’de’mokomi belanna masiang la Kusorong tu tau iato mai tama limammi.

YOSUA 11:9

Napogau’mi Yosua lako tau iato mai, susitu mangka Napokada PUANG lako kalena: naka’tu tu ura’ lentekna mintu’ darangna sia pura naballa tu mintu’ karetana.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

YESAYA 30:16

Sangadinna mikua: Tangia, apa tete dio makkanarang angki la matira’; iamo tola mallai dukakomi; mikua: La ussakeikan darang malinta’; iamoto namintu’ tu to unnula’komi la malinta’ duka.

SARAMBU PEADA’ 20:7

Iatu to malambu’ ma’gau’ malolo la maupa’ tu mintu’ anakna undinna.

PA’PUDIAN 46:11

Rapa’komi sia issanni kumua Akumo tu Puang Matua; Akumo tu mala’bi’ dio lu mintu’ bangsa, sia mala’bi’ lan lino.

PA’PUDIAN 46:9

Maimokomi untiroi tu penggauranNa PUANG, tu umpabu’tu kasanggangan lan lino,

2 OSSORANNA DATU 20:16

Masiang la milaoi tu tau iato mai; iake kendekmi langngan aa’ Zis la miappa’ diong tampak lombok dio tingayona padang pangallaran Yeruel.

YOSUA 3:5

Nakuami Yosua lako tu to buda: Pamaserokomi kalemi, belanna masiang la umpogau’ tanda kalle-kallean tu PUANG dio lu kamu.

PA’TOLE 7:16

La mutallanan tu mintu’ bangsa, tu la Nasorongan PUANG, Kapenombammu, lako kalemu; tae’ mula ungkamasei sia tae’ mula umpenombai deatanna, belanna iamoto tu la dadi poya lako kalemu.

YOSUA 11:5

Sirampunmi tu mintu’ datu iato napada sae ma’tenda dio to’ salu’-salu’na Merom, la urrarii to Israel.

YOSUA 11:7

Saemi tu Yosua sola mintu’ surodadu nasolan tang dikapang-kapang untu’ba’i tu tau iato mai dio to’ limbong sikandappi’ Merom, anna laoi.

TO PARENGNGE’ 7:9

Bongi iato ma’kadami tu PUANG lako Gideon, Nakua: Millikmoko, murokko ullaoi tama tu to’ tenda surodadu, belanna Kusorongmo tama limammu.

YEHEZKIEL 39:9

Iatu pa’tondokan kota Israel la sun la umpadukku api la umballai tu mintu’ pa’buno, iamotu balulang sia pakolong, pana sia anak pana, pelonga’ sia doke, pitung taun la nanii tau iato mai umpadukkui api te mintu’nate.

NAHUM 2:13

Manassa la Kulaoiko!, kadanNa PUANGna mintu’ ma’dandan maritik, la Kuballa nasang tu karetamu namerambu; iatu mintu’ singa mangurammu la nakande pa’dang, sia iatu pangrampamu la Kupisanni dao mai kuli’na padang, sia iatu gamaranna mintu’ sumbungan pudukmu tae’mo nala dirangi len.

2 DATU 6:16

Apa ma’kada nakua: Da mumataku’, belanna iatu urrondongki’ mandu buda na iatu to nasolan tau iato mai.

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.