YOSUA 11:11 - Sura' Madatu

¹¹ Napatei pa’dang tu mintu’ kepenaanna lan sia nasabu’i butung pepayu; moi misa’ tu kepenaanna tae’mo torro sia iatu Hazor napurai naballa.

YOSUA 11:11 Referans Kwoze

YOSUA 10:40

Susimo kanataloanna Yosua to tu mintu’ tondok, iamotu tondok dao lu buntu sia Padang Rampe sau’na sia iatu Padang Merrantena sia iatu mennaa’na sia mintu’ datunna; moi misa’ tae’ bang nalussuran, sangadinna nasabu’i nasang tu mintu’ kepenaanna butung pepayu, situru’ tu pepasanNa PUANG, Kapenombanna to Israel.

PA’TOLE 20:16

Apa dio mai kotana te mintu’ bangsa tu la Nasorongangko PUANG, Kapenombammu, la mupotaa mana’, moi misa’ apa kepenaa, da mupatuoi.

PA’TOLE 7:2

sia iake Nasorongammoko PUANG, Kapenombammu, tu tau iato mai, ammu taloi, manassa la musabu’i nasang. Da musibasse tau iato sia da mukamasei.

PA’TOLE 3:7

Apa iatu mintu’ patuoan sia pangrampa lan mai kota tarampan kaleta.

YOSUA 6:21

Nasabu’imi pa’dang tu mintu’ apa lan tondok iato, la muane la baine la to mangura la to matua, sae lako mintu’ sapi sia domba sia keledai.

YOSUA 6:24

Apa iatu kota iato sola mintu’ apa lan naballa api; sangadinna salaka, bulaan sia mintu’ pareanan tambaga sia bassi napatama pangannan iananna banuanNa PUANG.