YOSUA 10:7 - Sura' Madatu

⁷ Ke’de’mi tu Yosua dio mai Gilgal, la ia sia mintu’ surodadu nasolan, mintu’i to barani lalong.

YOSUA 10:7 Referans Kwoze

YOSUA 8:1

Ta’kala ma’kadami tu PUANG lako Yosua, Nakua: Da mumataku’ sia da mutiramban! Solanni tu mintu’ surodadu, ammu ke’de’ ullaoi Ai. Manassa la Kusorong tama limammu tu datu Ai, sia mintu’ taunna sia kotana sia tondokna.

YESAYA 8:14

Puangmo la mipoinan maindan, apa la napobatu katitodoan sia batu tongkon katilenderanna da’dua rapu tallangna Israel sia ba’tikan sola poya ulla’ka’i tu pa’tondokan Yerusalem.

YESAYA 8:12

Da misa’bu’ lenni tu kasiturusan pepayunna tu nasanga kasiturusan pepayu te bangsa iate, sia da mikataku’i tu nakataku’na sia da mikagiangi.

YOSUA 10:6

Pakalan mesuami to Gibeon lako Yosua dio to’ tenda dio Gilgal, nakua: Da misa’biangangkan te kami taummi, sangadinna la rampokomi madomi’ ullendokangkan sia untunduikan, belanna iatu mintu’ datu to Amori tu torro dao lu buntu, sirampunmo la ullaoikan.

YOSUA 8:3

Ke’de’mi tu Yosua sola mintu’ surodadu anna male lako Ai. Napileimi Yosua tallungpulo sa’bunna tu surodadu lalong, nasuai tonna mabongi,