YOSUA 10:13 - Sura' Madatu

¹³ Tadangmi tu mata allo sia iatu bulan torromo sae lako mangkanna tu to buda umpabala’i tu mai ualinna. Tang disura’raka te apa iate lan sura’na to Bulo Sanglampa? Tadangmi tu mata allo lan tangngana langi’ sia tae’ namadomi’ lambun.

YOSUA 10:13 Referans Kwoze

HABAKUK 3:11

Iatu mata allo sia bulan sorong boko’mo lako inanna; napobua’ arrang anak panaMi tu sumaang lendu’, napobua’ marorrongna doke pandila-dilaMi.

YESAYA 38:8

Iatu bayo-bayo mata allo, tu solo’mo dio eranna Ahas, la Kukondoran sule sangpulo pellesean. Kendekmi sule tu mata allo sangpulo pellesean diong mai tu naninna solo’.

YOSUA 10:14

Tae’ bangpa ia allo susito la dolona la undinna, tu Nanii PUANG umpalaloi tu palakunna misa’ to lino, belanna PUANG untundui tu to Israel parari.

TO PARENGNGE’ 16:28

Attu iato metambami tu Simson lako PUANG sia ma’kada nakua: O Puangku PUANG, kilalaina’, amMi pamatoto’na’ te pissan, o Puang Matua, angku pabala’i te pissan tu gau’na to Filistin diona te matangku patomali.

LUKAS 18:7

Tae’raka nala umpakaloloi Puang Matua tu kara-karana mintu’ to Napilei, tu napalakunna nametamba-tamba lako keallo kebongi sia maremparaka ungkilalai tu tau iato?

YOËL 3:15

Iatu mata allo sia bulan la malotong sia iatu mintu’ bintoen tae’ napasombo arrangna.

YOËL 2:10

Dio tingayona tigega’ tu lino sia gumalugu tu mintu’ langi’: iatu mata allo sia bulan napamalotong sia mintu’ bintoen tae’ napasombo arrangna.

PA’PUDIAN 148:3

Pudimi, e allo sia bulan, pudimi, e mintu’ bintoen tasak.

PA’PUDIAN 19:4

Tae’ basana sia tae’ kadanna; tae’ misa’ tau urrangi gamaranna.

ESTER 8:13

Iatu pallemba’na sura’ iato la dipaissanan tau lan mintu’ propinsi butung misa’ atoran lako mintu’ bangsa, kumua nama’parandan tu mintu’ to Yahudi allo iato la membala’ lako mintu’ ualinna.

2 SAMUEL 1:18

mesuami umpa’pangadaranni lako to Yehuda (te nanian) Pana; tonganna iate tisura’ lan Sura’ To malambu’.

YESAYA 24:23

Attu iato la maila’ tu bulan masero, sia la masiri’ tu allo mapana’, belanna iatu PUANGna mintu’ ma’dandan maritik, la Datu, dao buntu Sion sia dio Yerusalem, sia iatu kamala’biranNa la tonang, dio olona pekaamberanna taunNa.

TO PARENGNGE’ 5:2

Belanna umpakalando beluakna tu tau lan Israel, belanna ussorong kalena tu to buda, iamoto pudimi tu PUANG!

YOSUA 10:11

Iatonna mallaimo tu tau iato mai dio mai tingayona to Israel sia umpolalanmo mennaa’na Bet-Horon, Naurannimi PUANG batu kapua dao mai langi’ sae lako Azeka, namate tu tau iato; iatu to mate narua batu mandu buda na iatu to napatei pa’dang to Israel.

KADIBILANGAN 31:2

Alammi bala’ tu to Israel lako to Midian; mumane sisarak angin dipudukmu sule lako nene’ to dolomu.

KADA OMBO’ LAKO RASULU’ YOHANES 21:23

Tae’ namanggi’ tu allo sola bulan unnarrangi tu tondok iato, belanna kamala’biranNa Puang Matua umpamasiangi sia Anak domba napopalita.

KADA OMBO’ LAKO RASULU’ YOHANES 8:12

Iatu malaeka’ ma’penna’pa’na umpannoni tarompe’ puana, anna sanggangi tu sangtaa tallunna mata allo sia sangtaa tallunna bulan sia sangtaa tallunna mintu’ bintoen, kumua anna malillin tu sangtaa tallunna sia da namarorrong sangtaa tallunna masiang, sia bongi susi dukato.

KADA OMBO’ LAKO RASULU’ YOHANES 6:12

Kutiro tonna bungka’mi Anak domba tu ca’ ma’pennannanna, dadimi lino’ kapua, sia iatu mata allo malotong butung satti bolong sia iatu bulan susi nasang rara.

KADA OMBO’ LAKO RASULU’ YOHANES 6:10

Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?

PENGGAURANNA RASULU’ 2:20

Iatu allo la memmalillin, sia iatu bulan la mendadi rara, to ke la saemi tu alloNa Puang, tu allo kapua sia mala’bi’.

MATIUS 5:45

ammi paan anakNa Ambe’mi dao suruga; belanna Ia umpabu’tuanni alloNa tu to kadake sia to masokan, sia umpasaeanni uranNa tu to malambu’ sia to tang malambu’.

KADIBILANGAN 21:14

Iamoto nadisa’bu’ lan sura’ diona pararinNa PUANG, nakua:

MATIUS 24:29

Ianna lendu’ nasangmo tu kadipakario-rioan, ta’pa la dipaliun tu allo sia tae’ duka nala parrang tu bulan, sia la ronno’ tu mintu’na bintoen dao langi’, sia mintu’na kamatotoran dao langi’ la tigega’.

YOËL 2:31

Iatu mata allo la membali malillin sia iatu bulan la membali rara, to ke la saemi tu allo kapuanNa sia metakuranNa PUANG.

2 DATU 20:10

Nakuami tu Hizkia: Maraa tu bayo-bayo male rokko sangpulo pellesean; tae’ nasusito, sangadinna la sorong boko’ tu bayo-bayo sangpulo pellesean.

AYUB 9:7

Ia umparentai tu allo, anna tae’ nadellek sia Ia untutu’ bintoen, anNa ca’i.