YOSUA 1:8 - Sura' Madatu

⁸ Da nalessu’ dio mai pudukmu tu sura’ Sukaran aluk iate, sangadinna la muparinaa bang ke allo sia ke bongi, ammu turu’ tongan-tonganni tu mintu’ apa disura’ lan, belanna iake susito, la umpamaupa’ko mintu’ lalanmu, sia la rongko’ko.

YOSUA 1:8 Referans Kwoze

PA’PUDIAN 119:15

La kutangnga’-tangnga’ tu mai parentaMi sia la Kupalan ara’ tu mintu’ lalanMi.

PA’PUDIAN 19:14

Karitutui dukai tu taumMi dio mai kamatampoan, da nataloina’ tu kamatampoan; manera’ tang sayuan, sia masero pindan dio mai sala kapua.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

SARAMBU PEADA’ 3:1

E anakku, da mutang kilalai tu pa’pangada’ku sia la nakaritutui penaammu tu mintu’ pepasanku,

PA’TOLE 29:9

Karitutui tonganni tu kada basse iate, ammi maupa’ umpalanda’i tu apa mipogau’.

YOHANES 14:21

Minda-minda tu untoe parentaKu nakaritutui, iamoto ungkamali’Na’; apa minda-minda tu ungkamali’Na’, iamo Nakamasei Ambe’Ku, sia Aku duka la ungkamasei sia umpaombo’ Kaleku lako.

LUKAS 11:28

Apa Nakua Yesu: Ia ria maupa’ tongan tu mintu’nato umperangii kadanNa Puang Matua sia ungkaritutuinnai.

MATIUS 7:24

Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’,

PA’PUDIAN 119:11

Iatu kadamMi kuanna rara’ lan batu ba’tengku, dikua da angku kasalan mati’ Kalemi.

PA’PUDIAN 119:97

Lendu’ kukamali’na tu sukaran alukMi! Kiallo-kiallo kunannung bang.

MATIUS 7:21

Tae’ namintu’ tu to metamba lako Kaleku kumua: O Puang, o Puang! tu la tama Parenta Suruga; sangadinna iatu to umpogau’ pa’poraianNa Ambe’ku dao suruga.

YOHANES 13:17

Iake mitandai tu mintu’nate, maupa’komi, ke mipogau’i.

YOSUA 1:7

Samari la batta’ tonganko sia lalongko, ammu turu’ tongan-tonganni tu mintu’ sukaran aluk iate, tu napasan Musa, taungKu, lako kalemu; da musepang dio mai, lako kairi ba’tu kanan, ammu maupa’ umba-umba muola.

PA’TOLE 30:14

Sangadinna kada iate sirondong tonganko, lan sadangmu sia lan penaammu la umpogau’i.

PA’TOLE 5:29

Melo ke tontong siai dio lu tau iato mai tu penaa susito tu la ungkataku’Na’ sia la ungkaritutui tu mintu’ pepasanKu, kumua anna malaga’-laga’ sola tu mai anakna tontong sae lakona!

PA’PUDIAN 119:99

Sia mandu matarru’na’ aku anna gurungku, belanna mintu’ kasa’biamMi iamo kutangnga’-tangnga’.

YESAYA 59:21

Iatu Aku, inde sia tu basseKu sola tau iato mai, kadanNa PUANG, Nakua: Iatu penaangKu tu dio kalemu sia iatu kadangKu tu Kupadiomo pudukmu, tae’mo anna lessu’ dio mai pudukmu, ba’tu dio mai pudukna bati’mu, ba’tu dio mai pudukna tarukna bati’mu, kadanNa PUANG, randuk totemo tontong sae lakona.

PA’TOLE 5:32

La mikaritutui tongan, susitu mangka Napepasanan PUANG, Kapenombammi, lako kalemi; da misepang kanan ba’tu kairi.

PA’TOLE 31:11

iake male nasangi tu to Israel mennolo lako PUANG, Kapenombammu, dio inan, tu la Napilei, attu iato la mubasa te Sukaran aluk dio pa’peranginna mintu’ to Israel.

EFESUS 4:29

Da mipasunni dio pudukmi tu kada dipomasiri’, sangadinna iari tu melona tu la napomatoto’na kapatonganan, tu denna patunna, anna pasaeanni pa’kamasean tu to urrangii.

MATIUS 12:35

Iatu to melo penaanna umpasun siami melona dio mai anggenna melona lan lu batu ba’tangna; na iatu to kadake penaanna umpasun siami kadakena dio mai anggenna kadakena lan lu batu ba’tangna.

PA’PUDIAN 40:10

Kupa’peissanammo tu kareba kaparannuan lan kombongan kalua’ iamotu diona kamaloloamMi; manassa tae’ kutampun pudukku. O PUANG, Miissan tu iannato.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

KADA OMBO’ LAKO RASULU’ YOHANES 22:14

Maupa’ tu mintu’ to umbusukki bayu lamba’na, naurunganni den katongananna unnappa’i tu kayu katuoan iato, sia mentama tondok iato unnola babangan.

KADADIAN 24:63

Sunmi tu Ishak sumalong dio lu padang ma’tangnga’-tangnga’ tonna solo’ allo, naadonganni tu ulunna, pakalan anna tiroi tu ba’tu pira-pira unta sae.

PA’TOLE 31:24

Iatonna mangka Musa ussura’i tu mintu’ kada Sukaran aluk iate lan misa’ sura’ sae lako tappunna,

YOSUA 8:34

Mangkato nabasami tu mintu’ kada Sukaran aluk, iamo tu kamauparan sia tampak ropu, susitu mintu’ apa disura’ lan sura’ Sukaran aluk.

PA’TOLE 5:1

Natambai Musa tu mintu’ to Israel, sirampun nama’kada lako nakua: Perangii, e to Israel, tu aluk dipondok sia atoran, tu kupa’perangian allo iate, kumua ammi pelada’i sia mikaritutui.

PA’TOLE 29:8

sia tarampa tu tondokna, anta benni Ruben, Gad sia sangsese suku Manasye, la napotaa.

2 OSSORANNA DATU 26:5

Undaka’ Puang Matua tempon tuona Zakharia, tu unnada’i mengkaola lako Puang Matua; temponna undaka PUANG, Napamaupa’ Puang Matua.