YOSUA 1:15 - Sura' Madatu

¹⁵ sae lako mangkanna Nakamasei PUANG katorroan tu mintu’ siulu’mi susi kamu, anna pomana’ dukai tau iato mai tu padang, tu la Nakamaseanni PUANG, Kapenombammi. Mangkato mimane sule lako padang mana’mi ammi pomana’i, tu nabenkomi Musa, taunNa PUANG, sambalinna lu Yordan, dio rampe matallo.

YOSUA 1:15 Referans Kwoze

FILIPI 2:4

Da ammi pantan umpoinaa misa kalemi, sangadinna diona duka to senga’.

GALATIA 5:13

Belanna kamu te, e sangsiulurangku, mangkamokomi ditambai la dipopentorro to makaka, apa iatu katorro-tomakakan iato da mipannii pa’posanganna pa’poraian kale, sangadinna pantan sikaritutuangkomi tete dio pa’kaboro’.

1 KORINTUS 13:5

tang umpogau’ mesirisanna, tang untiroan misa kalena, tang mato’do’, tang umpangannan tau;

1 KORINTUS 12:26

Iake misa’ lesoan kale mapa’di’, mintu’i ussa’dinganni, sia iake misa’ lesoan kale dipakala’bi’, mintu’i pada-pada parannu.

GALATIA 6:2

Situndu-tunduangkomi umpassan pamaammi, susimoto la minii ungganna’i tu atoranNa Kristus.

PA’TOLE 3:20

sae lako Nakamasei PUANG karapasan tu siulu’mi susi kamu, sia ia duka unnalai tu tondok napoapai, tu la Napa’bengan PUANG, Kapenombammi, lako kalena, sambalinna lu Yordan; mimane ma’din pantan sule lako tondok mipotaa, tu kubenmokomi.

YOSUA 1:1

Iatonna matemo tu Musa, taunNa PUANG, ma’kadami PUANG lako Yosua, anakna Nun, to marengke’na Musa, Nakua:

YOSUA 1:14

Da’ito natorro tu mai baine sia iatu mai anak bitti’mi sia patuoammi dio lu padang tu nabenkomi Musa dio sambalinna lu Yordan, apa la sakka’komi pa’buno, ammi male undoloan mintu’ siulu’mi, iamotu mintu’ pa’barani lalong, sia la mitundui tu tau iato mai,

YOSUA 1:16

Mebalimi tu tau iato mai lako Yosua, nakua: Mintu’ tu apa misuangkanni la kipogau’ sia umba-umba tu minii ussuakanni male, inde dukato la kinii male.

PA’TOLE 3:18

Attu iato mepasanmo’ lako kalemi kumua: Iatu PUANG, Kapenombammi, umbenkomi te tondok, la miala mipoapa; moi susito la undoloan dukakomi siulu’mi to Israel, ma’pa’buno lamban lian, iamotu mintu’ muane sakka’ parari.

PA’TOLE 9:1

Perangii, e to Israel! Totemo la mulamban tu Yordan ammu alai mupoapa tu lili’na tu mai bangsa, tu tarompo’ sia makuasa na iko sia iatu mai kota kapua, tu ditambakuku malangka’ langngan langi’ –,

YOSUA 22:1

Attu iato natambaimi Yosua sirampun tu to Ruben, to Gad sia sesena suku Manasye,