YOSUA 1:14 - Sura' Madatu

¹⁴ Da’ito natorro tu mai baine sia iatu mai anak bitti’mi sia patuoammi dio lu padang tu nabenkomi Musa dio sambalinna lu Yordan, apa la sakka’komi pa’buno, ammi male undoloan mintu’ siulu’mi, iamotu mintu’ pa’barani lalong, sia la mitundui tu tau iato mai,

YOSUA 1:14 Referans Kwoze

KADA OMBO’ LAKO RASULU’ YOHANES 17:4

Iatu baine iato ma’tamangkale lango-lango sia mararang karamisi rupanna, sia dipakei bulaan sia parimata, sia ma’rupa-rupa mattiara sia sitoe misa’ irusan bulaan ponno sanda kadake sia kamaruttakanna gau’ salana;

PA’TOLE 20:8

Sia ma’kada tu mantari’ lako to buda nakua: Minda mataku’ sia ranggang penaanna? Dieloran male sule lako banuanna, kumua da napabonnong tu penaanna siulu’na susi penaanna.

KATASSURAN 13:18

Sangadinna Napasepang Puang Matua, tu tau iato mai, unnola lalan ma’palulako padang pangallaran tasik Teberau. Ke’de’mi tu to Israel tassu’ lan mai tondok Mesir, sakka’ pa’bunona.

KADIBILANGAN 32:26

Iatu anakki sia baineki, apangki sia mintu’ patuoangki la torro dio lan kotana Gilead.

PA’TOLE 3:19

Sangadi iatu bainemi, anakmi sia patuoammi – kuissan, kumua buda patuoan miampui – ma’din torro lan kota, tu kubenmokomi,

YOSUA 1:13

Kilalai tu kada, napepasanan Musa, taunNa PUANG, lako kalemi, kumua: PUANG, Kapenombammi, ungkamaseangkomi karapasan sia Iamo la umbenkomi te tondok iate.

YOSUA 1:15

sae lako mangkanna Nakamasei PUANG katorroan tu mintu’ siulu’mi susi kamu, anna pomana’ dukai tau iato mai tu padang, tu la Nakamaseanni PUANG, Kapenombammi. Mangkato mimane sule lako padang mana’mi ammi pomana’i, tu nabenkomi Musa, taunNa PUANG, sambalinna lu Yordan, dio rampe matallo.

PA’TOLE 33:21

Naalan kalena tu taa ma’iringanna, belanna inde to nanii membuni tu taana to ma’parenta; rampo lako pangulunna bangsa iato; napalalo tu kamaloloanNa PUANG sia ukunganNa sola to Israel.

YOSUA 4:12

Lamban dukami tu to Ruben sia to Gad sia sesena rapu Manasye sakka’ la parari undoloan mintu’ to Israel, susitu mangka napokada Musa lako tau iato mai.