YOHANES 8:41 - Sura' Madatu

⁴¹ Kamu te umpogau’komi penggauranna ambe’mi. Nakuami tinde tau lako: Tae’ra nadiona gau’ sala angki dadi. Misa’ri tu Ambe’ki, iamotu Puang Matua.

YOHANES 8:41 Referans Kwoze

YESAYA 64:8

Apa totemo, o PUANG, Kamumo tu Ambe’ki; pitti’kan te, na Kamu tu To tumampaki, sia kami sola nasang panggaraga limamMikanni.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

YOHANES 8:38

Aku te umpokadaNa’ apa mangka Kutiro dio Ambe’Ku; sia kamu umpogau’ apa mangka mirangi dio mai ambe’mi.

YESAYA 63:16

Kamumo tu Ambe’ki, belanna tae’mo naissankan Abraham, sia tae’mo natandaikan Israel; Kamumo, o PUANG, tu Ambe’ki, sia Pela’bakki tempon dio mai, susimoto tu sangamMi.

MALEAKHI 2:11

Iatu Yehuda ma’gau’ tang maruru’mo sia iatu penggauran megiangan dipogau’mo lan Israel sia lan Yerusalem, belanna iatu Yehuda umpamatuna apa maseroNa PUANG, tu Nakamali’, sia umpobaine anakna deata to salian bangsa.

MALEAKHI 1:6

Iatu pia muane ungkasiri’ ambe’na, sia misa’ kaunan ungkasiri’ puangna. Iate Aku te, ke misa’Na’ Ambe’, umbanii tu pa’pakaraya lako Kaleku? Sia iate Aku te ke misa’Na’ Puang, umbanii tu kamatakuran lako Kaleku? kadanNa PUANGna mintu’ ma’dandan maritik lako kalemi, e mintu’ to minaa, tu umpamatuna sangangKu. Moi susito, ma’kadakomi mikua: Apara kipotete umpamatuna sangamMi?

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

YEREMIA 3:19

Tonganna Kukua: Umba la Kukua umpapadako tu mai mintu’ anak muane sia la Kubenko misa’ padang maelo, iamotu padang pa’tonno’na dio lu mintu’ bangsa la mupomana’! Sia Kusangapa la musa’bu’Na’ Ambe’mu sia tae’mo mula toyang dio mai Kaleku.

PA’TOLE 32:6

Susimorakato tu pa’papakkanmi lako PUANG, e iko, bangsa baga sia tang paissan? Tangiaraka Ambe’mu tu umpadadiko, tu untampako sia umpatunannangko?

PA’TOLE 14:1

Kamumo tu anakNa PUANG, Kapenombammi; da mitori’-tori’i tu kalemi, ba’tu miku’ku’i tu beluakmi dio kidemi belanna kamatean.

KATASSURAN 4:22

Attu iato la ma’kadako lako Firaun, kumua: Susite tu kadanNa PUANG: Iatu Israel anakKu muane, iamo anak pa’bunga’Ku.

HOSEA 1:2

Inde sia tu bunga’ kadanNa PUANG nalopian Hosea. Ma’kadami PUANG lako Hosea, Nakua: Maleko, muala misa’ baine kadake gau’ sia pia dadi dio mai gau’ sala, belanna lendu’ ia gau’ salana tu tondok sia memboko’mo dio mai PUANG.

1 YOHANES 3:12

Tae’ nasusi Kain, tu lu dio mai deata bulituk, umpongko siulu’na. Apa bannangna anna pongkoi? Belanna mintu’ penggauranna kadake, apa penggauranna siulu’na malambu’ ia.