YOHANES 8:12 - Sura' Madatu

¹² Ma’kada pole’omi Yesu lako tinde tau nakua: Akumote tu arrangna lino. Minda-minda unturu’Na’, tae’ nala lumingka lu lako lu dio mai lan malillinna, sangadinna la den arrang katuoan dio.

YOHANES 8:12 Referans Kwoze

YOHANES 12:46

Aku te saeNa’ tama lino butung misa’ arrang, kumua anna minda-minda umpatonganNa’ tae’ natorro lan malillinna.

YOHANES 9:5

Iake lanPa’ te lino, Akumo tu arrangna lino.

YOHANES 12:35

Nakuami Yesu ungkuanni tinde mai tau: Sattu’mora tu arrang la misisolan; malemokomi su’ding denpi tu arrang misisolan da ammi kalillinan. Minda-minda tu lumingka lan kamalillinan, tae’ naissanni tu naolainna.

MATIUS 5:14

Kamu te arrangnakomi lino. Misa’ tondok dao tanete, ma’apa-apai nala kabunian.

AYUB 33:28

Mangkamo tu Puang urrampanan sunga’ku dio mai lalan lu lako panglamunan, anna paiman tu deatangku untiro masiang.

YOHANES 3:19

Inde sia nadipaolai pangra’ta’, to kumua saemo tama lino tu maserona, apa napa’budai ia tolino tu malillinna na iatu maserona belanna kadake tu penggauranna.

PA’PUDIAN 18:28

Kamumo ullendokanni tu bangsa dipandasa, apa Mipopengkadiongan tu mintu’ to patiro solo’.

YESAYA 9:2

Mipopemba’ka’mo te bangsa, amMi pekapuai tu kaparannuanna; la parannu paiman tu tau iato mai dio oloMi susi to kaparannuanna tau, ke pepareanni, sia sangtinti to sila’tekan, ke untaa-taai pangrampa.

2 PETRUS 2:4

Belanna iake tae’i anNa dampangi Puang Matua tu malaeka’ tonna pogau’ kasalan, sangadinna Napembuangan tama naraka sia Napatama lo’ko’ kamalillinan sia Napattang sae lako diukungna,

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

PENGGAURANNA RASULU’ 13:47

Apa Napepasanan Puang lako kaleki, Nakua: Kupopendadimokomi arrang lako mintu’ to kapere’, ammi pasae kamakarimmanan sae lako randanna langi’.

PA’PUDIAN 97:11

Iatu arrang dipasomboan to malambu’, sia iatu kaparannuan dipabu’tuan to bulo lollong.

PENGGAURANNA RASULU’ 26:23

iamotu Kristus sipatu umperasai kamaparrisan sia Iamo bunga’na malimbangun dio mai to’ to mate la umpa’peissanan misa’ arrang lako te bangsata sia lako duka to kapere’.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

YOHANES 7:17

Iake den tau morai umpogau’ pa’poraianNa Puang Matua, la natandai te pangadaran iate, kumua lu dioraka mai Puang Matua, ba’tu tuo lu dio bangraka mai Kaleku.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

KADA OMBO’ LAKO RASULU’ YOHANES 21:24

Na mintu’ bangsa la lolang lan arrangna, sia mintu’ datu lan lino la umbaa kamala’biranna tama tondok iato.

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

YUDAS 1:13

susi bombang kapua lan tasik umpemburrusan kalena siri’na; susi bintoen tilele-lele; tau iato mai tiparandanmo kamapattangan lako kalena tontong sae lakona.

2 PETRUS 2:17

Tau iate mai susi kalimbuang marangke sia salebu’ nairi’ talimpuru’, tiparandanmo tu kapi’tukan lako kalena.

YUDAS 1:6

Sia mintu’ malaeka’ tang undampang pangka’na, sangadinna ussalai kao’koranna, Napattang rante bassi matontongan Puang naonganni kamalillinan sae lako pangukungan allo kapua iato.

PA’PUDIAN 49:19

Belanna moi anna sangai tu kalena kumua maupa’ tonna tuonapa, sia napudiko tau diona kamauparammu.

YOHANES 12:36

Su’ding denpi tu arrang misisolan, patonganni tu arrang iato, ammi dadi anak arrang. Susimoto tu Napokada Yesu, namane male membuni umpasere Kalena dio mai tau iato mai.

1 YOHANES 1:6

Iake ma’kadaki’ kumua den kasiturusanta sola, apa lolang lanki’ malillinna, manassa mo’rangki’ sia tae’ tapogau’i tu situru’na kamanapparan.