YOHANES 8:11 - Sura' Madatu

¹¹ Nakuami tinde baine: Moi misa’ tae’ duka, Puang. Nakuami Yesu: Aku te tae’ duka Kula urra’ta’i kumua la diukungko; laomoko, sia randuk te totemo da’mo mupogau’ kasalan.

YOHANES 8:11 Referans Kwoze

YOHANES 3:17

Belanna iari Nasuai Puang Matua tu AnakNa tama te lino, tae’ kumua Napa’peukunganni tu lino, sangadinna kumua anNa karimmanni te lino.

YOHANES 5:14

Undinnato sitammumi Yesu dio to’ Banua Kabusungan, Nakuami ungkuanni: Tiromi, malekemoko; damo mupogau’ kasalan, da naruako tu kadakena pissan.

YOHANES 8:15

Kamu te inang mangra’ta’komi sitinaya tu mentolinona; na iate Aku te tae’ tau misa’ duka Kura’ta’ kara-karana.

LUKAS 15:7

Kukua lako kalemi: La susimoto tu kaparannuan lan suruga, belanna misa’ to kasalan mengkatoba’ losong ia na kasera pulona ngkasera to maruru’ penaanna tu tau ussanga kalena tae’mo namanggi’ la mengkatoba’.

LUKAS 5:32

Tae’ra Kusae la untambai to malambu’, sangadinna to kasalan, denoupa’ namengkatoba’.

SARAMBU PEADA’ 28:13

Minda-minda tu ussamboi kapatodo-tintinganna, tae’ nala maupa’, apa minda-minda unnakui sia umboko’i la ungkabu’tui kamaturu-turuan.

AYUB 34:31

Apa iake den misa’ tau ma’kada lako Puang Matua nakua: Mangkamo’ matampo, apa tae’mo kula ma’gau’ masa’ga’;

ROMA 2:4

Ba’tu tae’raka muangga’i tu kamasokanan tang dilambi’Na sia kama’tananNa sia pesuka’ kalandoNa sia tae’ muissanni, kumua iatu kamasokananNa Puang Matua urrendenko lako katobaran?

LUKAS 13:3

Kukua mati’: tae’, apa ianna tae’ mimengkatoba’, la sanggang dukakomi sola nasang susito.

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

YOHANES 18:36

Nakuami Yesu mebali: Iatu kadatuangKu tangia kadatuan lan lino; iake la kadatuan lan lino, inang la mangea mintu’ solaKu, da angKu disorong lako to Yahudi; apa totemo iatu kadatuangKu tangia kadatuan lan lino.

LUKAS 15:32

Sipatuki’ ma’marua’-rua’ sia parannu-rannu, belanna iate adimmu matemo anna tuomo sule, pa’demo anna dikabu’tuimo sule.

LUKAS 13:5

Kukua mati’: tae’, apa iake tae’i mimengkatoba’ kamu duka sola nasang la sanggang susito.

YESAYA 55:6

Daka’i tu PUANG, su’ding ma’din siaPi diappa’; massambayangkomi metamba lako, su’ding mandappi’ siaPi.

PA’TOLE 17:9

La maleko lako to minaa to Lewi, sia lako to mangra’ta’, tu den attu iato, tu la munii umpalaku pangra’ta’ na iatu tau iato mai la umpokada pangra’ta’na lako kalemu.

PA’TOLE 16:18

Iatu to ma’paolai salu sia mantari’ la mutappu lan mintu’ kota, tu la Nabenko PUANG, Kapenombammu, situru’ tu mai sukummu, anna palolang pangra’ta’ malambu’ lako bangsa iato.

2 PETRUS 3:15

Sia sipatu la mibilang, kumua iatu pesuka’ kalandoNa Puangta umpabu’tu kamakarimmanan, susi duka tu mangka nasurasangkomi Paulus, siulu’ pa’kaboro’ta, sitinaya kapaissanan dikamaseanni.

1 KORINTUS 5:12

Belanna apara patungku umpaolai pangra’ta’ tu to salian? To tang lan mannaraka kombongan mipaolai pangra’ta’?

LUKAS 9:56

Pakalan namalemo lako misa’ tondok senga’.