YOHANES 7:4 - Sura' Madatu

⁴ Belanna tae’ tau misa’ umpogau’ buni apa, ke la morai kalelean. TakkalamoKo umpogau’i tu iannato, pasombo pissanni tu Kalemu lako issinna te lino.

YOHANES 7:4 Referans Kwoze

YOHANES 18:20

Nakuami Yesu mebali lako: Aku te Kupopempayan bang tu kadangKu lako issinna lino; tontong bangNa’ mangada’i lan banua passambayangan sia lan Banua Kabusungan, tu naninna mintu’ to Yahudi sirampun, natae’ bang misa’ Kupokada buni.

LUKAS 6:45

Iatu to melo penaanna, umpasun siami melona dio mai anggenna melona lan lu batu ba’tangna, na iatu to kadake penaanna, umpasun siami kadakena dio mai anggenna kadakena lan lu batu ba’tangna. Belanna kala’biammira diong penaa anna sun dio puduk.

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

MATIUS 6:5

Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 4:6

sia nakua lako: Iake AnakNaKomi Puang Matua, tobangangKomi Kalemi indete rokko, belanna den disura’, kumua: La NasuangKo tu malaeka’Na, natimangKo da natitampa’ tu lentekMu lako batu.

1 DATU 22:13

Iatu to disua untambai Mikha nakua lako: Iatu kadanna mintu’ nabi, misa’ri sia melo tu napokada lako datu; iatu kadammi la susi duka kadanna simisa’-misa’ tua iato sia ma’kada melokomi.

YOHANES 7:3

Nakuami tu mai siulu’Na lako: Ke’de’moKo inde te, amMu male lako tana Yudea, anna tiro dukai to unturu’Ko tu penggauran Mupogau’.

YOHANES 7:5

Belanna iatu mai siulu’Na tae’ duka napatonganNi.