YOHANES 7:12 - Sura' Madatu

¹² Budami kadanna tau unnuleleanNi dio pa’budan tau; den tu tau kumua: To masokan Ia, nakuaomi tu pira’: Tae’, umpapusa ria to buda.

YOHANES 7:12 Referans Kwoze

YOHANES 9:16

Nakuami tu to Farisi pira: Tangia To lu dio mai Puang Matua tu Tau iato, belanna tae’ Naturu’ atoranna allo katorroan. Den pole’o tu kumua: Ma’apai tu to kasalan nala ma’din umpogau’i tu tanda kalle-kallean susito? Sita’genmi tinde tau.

YOHANES 7:47

Nakuami mebali tu to Farisi lako tinde tau: Napapusa dukamorokomika?

YOHANES 7:32

Iatonna rangii to Farisi tu to buda sipa’kada-kada unnuleleanni tu iannato, umpokadai tu diona Yesu, nasuami pangulu to minaa sia to Farisi tu solana kumua anna tingkanNi.

FILIPI 2:14

Pogau’mi tu mintu’na, da mipaturu’i ma’nuku-nuku, sia kasite’geran,

ROMA 5:7

Apa masuli’ tongan tau morai mate belanna misa’ to malolo. Umbai den sia tau barani mate belanna to melo penaanna.

PENGGAURANNA RASULU’ 11:24

Belanna iatu Barnabas misa’ to masokan sia Naponnoi Penaa Masallo’ sia kapatonganan. Buda tonganmi tu tau mengkara’pa lako Puang.

YOHANES 7:52

Mebalimi tu tau sia nakua ungkuanni: To Galilea dukarokoka pale’? Pemarangai sia tiroi, kumua tae’ ia misa’ nabi bu’tu dio mai Galilea.

YOHANES 6:14

Iatonna tiromi tau tu tanda kalle-kallean Napogau’, nakuami tu tau: Manassa Iamote tu nabi la sae tama te lino.

LUKAS 23:50

Denmi misa’ tau disanga Yusuf, to diala ada’,

LUKAS 23:47

Iatonna tiromi tinde kamandang ungkapalai surodadu saratu’ tu apa mangka dadi, umpakarayami Puang Matua, nakua: Manassa Iamo misa’ To ma’bulo sanglampa te!

LUKAS 18:19

Nakuami Yesu lako: Ma’apari musangaRa’ masokan? Tae’ tau misa’ duka masokan sangadinna Misa’ri, Ia manna tu Puang Matua.

LUKAS 7:16

Iatu tau mintu’, saemi kamatakuranna, naumpakaraya Puang Matua, nakua: Misa’ nabi kapua bendanmo lan tondokta, sia Natontongimo Puang Matua tu to Napilei.

LUKAS 6:45

Iatu to melo penaanna, umpasun siami melona dio mai anggenna melona lan lu batu ba’tangna, na iatu to kadake penaanna, umpasun siami kadakena dio mai anggenna kadakena lan lu batu ba’tangna. Belanna kala’biammira diong penaa anna sun dio puduk.

MATIUS 27:63

nakua: Tabe’ tuang, kikilalai kumua nakua ma’kada tu iti’ To ma’papusa tonna tuopa: tallung allo Kumalimbangun sule.

MATIUS 21:46

Undaka’mi lalan la morai untingkanNi, apa mataku’ lako to buda, belanna nabilang nabi to buda tu Yesu.

MATIUS 10:25

Madaoammo tu to digurui ke pada-padai gurunna, ten dukato tu kaunan anna puangna. Iake nasangai tau Beelzebul tu ampu banua, ontong pissanpa tu to lan banuanna.