YOHANES 6:7 - Sura' Madatu

⁷ Nakuami Filipus mebali lako: Passaratusan ruppia roti tae’pa nasilasa te tau, moi anna sisidi’ri namisai.

YOHANES 6:7 Referans Kwoze

MARKUS 6:37

Apa mebali Nakua: Kamumo umpakandei. Nakuami tu anak gurunNa lako: La laorakannika unnalli kande dua ratu’ dinar la dipakandeanni te tau?

YOHANES 12:5

Ma’apari anna tang dibalukanra limangpulo nna’pa’ ringgi’ tu pandere’, nadipa’kamasean lako to mase-mase?

MATIUS 18:28

Apa iatonna sun tinde tau, sitammumi misa’ solana, tu kaindanan lako kalena saratu’ dinar; nala’ka’imi anna kalessekki, nakua: Baya’i tu indanmu lako kaleku.

2 DATU 4:43

Nakuami tu taunna: Umbara la kukua umpalenna’i te lako muane saratu’? Ma’kadami tu Elisa nakua: Ben bangmi te mai to buda anna kandei. Belanna inde sia tu kadanNa PUANG Nakua: La nakande tau, anna denpa sesanna.

YOHANES 1:43

Iatonna masiang to la malemi lako Galilea; Nasiappa’ Filipus. Nakuami ungkuanni: Undiko urrundu’Na’.

YOHANES 1:44

Iatu Filipus to Betsaida, sangtondok Andreas na Petrus.

YOHANES 1:45

Siappa’omi Filipus tu Natanael, nakuami lako: Kikabu’tuimo tu nasura’ Musa lan Sukaran aluk tu diona a’ganNa sia mintu’ nabi, Iamotu Yesu, anakna Yusuf, to Nazaret.

YOHANES 1:46

Nakuami Natanael lako: Ma’dinraka tu Nazaret nanii bu’tu melona? Nakuami Filipus: Maimoko mutiroi!

YOHANES 1:48

Nakuami Natanael lako: Umbara Mikua untandaina’? Nakuami Yesu mebali lako: Tae’pa natambaiko Filipus, tommu dio to’ ara angKu kitamoko.