YOHANES 6:51 - Sura' Madatu

⁵¹ Akumote tu roti tuo, tu lu dao mai suruga; iake denni tau misa’ ungkandei te roti iate, la tuo sae lakona; na iatu roti la Kupa’bengan iamotu kaleKu, la napotuo issinna te lino.

YOHANES 6:51 Referans Kwoze

LUKAS 22:19

Naalami tu roti Nama’kurre sumanga’, Natepu-tepui anNa benni, Nakua: Iamote tu batang kaleKu, tu dipa’bengan belanna kamu: Pogau’mi susite minii umpengkilalaiNa’.

YOHANES 6:33

Belanna Ia tu rotinNa Puang Matua Iamotu songlo’ dao mai suruga sia umbengan katuoan lako issinna te lino.

YOHANES 3:13

Moi misa’ tau tae’ kendek langngan suruga, sangadi Ia tu mangkanna songlo’ dao mai suruga, Iamotu Anak rampan dilino.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

MATIUS 20:28

Susi Anak rampan dilino tae’ Nasae kumua Nadikamayai, sangadinna kumua anNa ma’kamayai sia ussorong penaanNa la napopela’bak buda tau.

IBRANI 10:20

unnola lalan ba’ru sia tuo tu Nabungkarangki’ untarru’ kulambu, iamotu batang kaleNa;

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

1 PETRUS 2:4

Iamo mipentireke’i, iamotu batu tuo, tonganna natibei tolino, apa passanganNa Puang Matua ditonno’ sia keangga’;

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

YOHANES 3:16

Belanna tenmoto tu Puang Matua ungkamasei tu issinna te lino, naurunganni umpa’kamaseanni tu Anak tungga’Na, kumua anna minda-minda umpatonganNi tae’ nala sanggang, sangadinna ungkabu’tui katuoan sae lakona.

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

1 YOHANES 4:14

Sia kami te untiromi angki katottongi, kumua mangkamo Nasua Ambe’ tu Anak mendadi To pakarimmananna te lino.

1 YOHANES 4:10

Iamote a’ganna pa’kaboro’, kumua tae’ nakita mangka ungkamasei Puang Matua, sangadinna Ia tu mangka ungkamaseiki’, sia mangka ussua AnakNa mendadi suru’ usseroi mintu’ kasalanta.

1 YOHANES 2:2

sia Iamo dadi pemala’ usseroi mintu’ kasalanta, sia tangia kasalanta manna, sangadinna kasalanna duka mintu’ issinna lino.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

EFESUS 5:25

E mintu’ muane, pakaboro’i tu bainemi, susi Kristus ungkamasei kombonganNa, sia ussorong Kalena belanna kombongan,

2 KORINTUS 5:19

Belanna tete dio Kristus Nanii Puang Matua umpasikaeloi Kalena tu issinna te lino, sia tae’ Narekenni lako kalena tau tu kasalanna sia Napatu’gunnikan tu kareba kasikaeloan.

YOHANES 7:38

Minda-minda tu umpatonganNa’ susi dipokada lan Sura’ Madatu, la lolong lan mai ba’tangna tu salu nanii uai marendeng.

YOHANES 3:14

Susi Musa mangka umpakendekki tu ula’ dio padang pangallaran, susi dukamoto tu Anak rampan dilino sipatu la dipakendek,

YOHANES 3:36

Minda-minda umpatonganNi tu Anak, ia unnampui tu katuoan tontong sae lakona; apa minda-minda tang umperangii tu Anak, tae’ nala sikita katuoan, sangadinna tontong dio kalena tu kasengkeanNa Puang Matua.

YOHANES 5:24

Tonganna tongan Kukua mati’: Minda-minda umperangii tu kadangKu sia umpatonganNi tu To ussuaNa’, iamo la ungkabu’tui katuoan tontong sae lakona sia tae’ nakannai ukungan, sangadinna lumengka’mo dio mai kamatean lako katuoan.

YOHANES 6:35

Nakuami Yesu lako tinde tau: Akumote tu roti katuoan. Minda-minda tu sae lako Kaleku, tae’mo nala tangdia’ len, sia minda-minda tu umpatonganNa’, tae’mo nala ma’rang len.

YOHANES 6:41

Sipa’nuku-nukuammi tu to Yahudi lako, belanna Nakua: Akumote tu roti lu dao mai suruga.

YOHANES 6:47

Tonganna tongan Kukua mati’: Minda-minda tu ma’patongan, iamo unnampui katuoan tontong sae lakona.

YOHANES 6:48

Akumote tu roti katuoan.

YOHANES 6:50

Iamote tu roti lu dao mai suruga, kumua anna kandei tau da namate.

YOHANES 11:26

sia minda-minda tu tuo sia umpatonganNa’, tae’ nala mate tontong sae lakona. Mupatonganraka te?