YOHANES 6:12 - Sura' Madatu

¹² Iatonna dia’ nasangmo tu tau, Nakuami lako anak gurunNa: Rampun nasangi tu sesanna, da naden masala.

YOHANES 6:12 Referans Kwoze

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

LUKAS 9:17

Kumandemi sola nasangi, sadia’na. Naalami tau tu roti sesanna tu mangkanna ditepu-tepu sangpulo dua baka ponno.

NEHEMIA 9:25

Natalomi tu tau iato mai tu ba’tu pira-pira kota ditambakuku sia padang malompo sia unnala ba’tu pira-pira banua ponno ma’rupa-rupa apa maelo sia ba’tu pira-pira bubun batu, pa’lak anggoro’, garonto’ saitun sia kayu membua lendu’ ia budanna napomana’. Nakandei tau iato mai sadia’na anna malompo sia manaman katuoanna tete dio kakapuanna kamasokanamMi.

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

SARAMBU PEADA’ 18:9

Iatu to tukkunan mengkarang, massiulu’mo to pasanggang.

LUKAS 15:13

Nataammi tu iananna lako. Tae’ napirang allo to, naparandan nasangmi, namale lako misa’ tondok mambela, natabu-tabu bangi tu iananna dio lu, belanna solle’-solle’ bangmo.

LUKAS 16:1

Sia Nakua duka tu Yesu lako anak gurunNa: Den misa’ to ma’kampa banuanna misa’ to sugi’, natanda’ tau ungkasalapakki iananna puangna.

YOHANES 2:2

Iatu Yesu sola anak gurunNa ditambai duka lako tu pa’maruasan to ma’kapa’.