YOHANES 5:44 - Sura' Madatu

⁴⁴ Umba la mikua ma’patongan, ke sipa’tuntunangkomi kadibilangan, natae’ mituntun kadibilangan dio mai Puang Matua?

YOHANES 5:44 Referans Kwoze

YOHANES 12:43

Belanna nabudanan iatu napakala’bi’ tolino na iatu Napamala’bi’ Puang Matua.

ROMA 2:29

sangadinna iatu Yahudi tongan, iamo Yahudi lanna lu, sia iatu massang sunna’ iamotu lanna ba’tang tete dio Penaa, tangia tete dio sura’. Iamoto iatu kadipudianna tae’ nalu dio mai tolino, sangadinna lu dio mai Puang Matua.

FILIPI 2:3

Moi misa’ da mipogau’i situru’ katuo-misan ba’tu matampo, sangadinna situru’ penaa madiongan, pantan ussanga kalena madiong anna to senga’,

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

1 PETRUS 1:7

kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus,

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

ROMA 2:10

apa kamala’biran sia kadipangkeran sia kamarampasan urrampoi mintu’ to umpogau’ kameloan, ondonganna to Yahudi sia to Yunani duka.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

LUKAS 19:17

Nakuami tu puangna lako: Iamo melona to, e kaunan masokan, belanna kamarurusammu lan penggauran bitti’, dadi ma’dinmoko la umparenta sangpulo tondok.

2 OSSORANNA DATU 6:8

Apa ma’kada tu PUANG lako Daud, ambe’ku, Nakua: Belanna bu’tumo lan penaammu la umbangunanni misa’ banua tu sangangKu, melo dukamoto, ke bu’tumi lan penaammu susito.

YAKOBUS 2:1

E sangsiulurangku, tu ma’patongan lako Puang Mala’bi’ta Yesu Kristus, da mipalaloi tu kapatonganammi umpelindo tau.

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

2 KORINTUS 10:18

Belanna tae’ na iatu to umpudi kalena kalena tu manassa, sangadinna iari tu to Napudi Puang.

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

YOHANES 8:43

Ma’apari natae’ miissanni tu laoan kadangKu? Tu belanna tae’ miissanni umperangii te kadangKu.

YOHANES 3:20

Belanna minda-minda umpogau’ kakadakean, nakabiri’ tu maserona sia tae’ naloo lako maserona, da nakantollean tu penggauranna.

YEREMIA 13:23

Ma’dinraka tu misa’ to Etiopia ussondai kuli’na, ba’tu arimau buluh umpopembali bongana? Susi dukamoto umba la mikua umpogau’ melo, tu inang biasamokomi umpogau’ kadake?

1 SAMUEL 15:30

Nakuami Saul: Tonganna, kasalammo’, apa totemo kasiri’pa’ dikka’ dio olona mintu’ pekaamberanna bangsaku sia dio tingayona mintu’ to Israel. Maikomi, tasule sola. Angku menomba lako PUANG, Kapenombammi.

YOHANES 5:41

Iatu kadibilangan dio mai tolino tae’ Kutuntunni;

1 TESALONIKA 2:6

Tae’ duka kidaka’ kadipangkeran dio mai tolino, la dio mai kamu, la dio mai to senga’;

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

YUDAS 1:25

iamo Puang Matua tu Misari, To pakarimmananta, tete dio Yesu Kristus tu Puangta, tu kamala’biran sia kakapuan sia kamatotoran sia kapaan tempon dio mai sia totemo te sia sae lakona. Amin.