YOHANES 5:10 - Sura' Madatu

¹⁰ Iamoto anna kua to Yahudi lako tu to dipamaleke: Allo iate allo katorroan, tae’ nasipatu la mubaa tu ampa’mu.

YOHANES 5:10 Referans Kwoze

YOHANES 9:16

Nakuami tu to Farisi pira: Tangia To lu dio mai Puang Matua tu Tau iato, belanna tae’ Naturu’ atoranna allo katorroan. Den pole’o tu kumua: Ma’apai tu to kasalan nala ma’din umpogau’i tu tanda kalle-kallean susito? Sita’genmi tinde tau.

LUKAS 6:2

Nakuami ba’tu pira-pira to Farisi: Apa kamu mipogau’? – tae’ nama’din dipogau’ keallo katorroan!

YEREMIA 17:21

Inde sia tu kadanNa PUANG Nakua: Da mimamaa ke allo katorroan sia da mibaa pamaan tama babangan Yerusalem, ke la ungkaritutuikomi katuoammi.

LUKAS 13:14

Sengkemi penaanna tu pangulu banua pa’kombongan, belanna umpamatana tau tu Yesu lan allo katorroan, iamoto namebali nakua lako to buda: Siannan allona tu la nanii tau sipatu mengkarang: iamoto allo iato la minii sae ammi dipamaleke, apa da ia ke allo katorroan.

MARKUS 3:4

Nakuami lako tu tau: Sipaturaka lan allo katorroan, umpogau’ melona ba’tu umpogau’raka kadakena, ungkarimmanniraka tau ba’tu umpateiraka tau? Apa ma’loko-loko bang tinde tau.

MARKUS 2:24

Nakuami to Farisi lako Yesu: Kitami, ma’apari tu mati’ tau napogau’i lan allo katorroan tu tang dipogau’na.

YOHANES 5:16

Iamoto napakario-rioI to Yahudi tu Yesu tu belanna Napogau’ tu iannato lan allo katorroan.

YOHANES 7:23

Iake dipogau’ siai lako tau lan allo katorroan, kumua da anna ditengkai tu alukna Musa, ma’apai ammi sengke lako Kaleku, anna mintu’ kalena Kupamondo tu tau misa’ lan allo katorroan?

LUKAS 23:56

Iatonna sulemo tinde tau, napassakka’mi tu pebangki’ sia iatu dipa’busarungngusanna. Iatonna allo katorroan natorroimi, unturu’ atoran Sukaran aluk.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YESAYA 58:13

Iake tang ullullu’ko allo katorroan umpogau’ pengkarangammu, iamotu allo maindanKu, sangadinna ke musangai allo kasendeammu tu allo katorroan, sia mutanda bilangi tu allo dipamaindanan PUANG, tu sielle’ dipangke’ sia umpakala’bi’i tu allo iato tang unturu’ kalena lalanmu ba’tu umpogau’ pengkarangammu, ba’tu umpasun kada tang kebattuan,

MATIUS 12:10

Denmi dio misa’ to kope limanna sangbali; kumua anna den nanii umpasalai, mekutanami tinde tau lako Yesu, nakua: ma’dinraka umpamaleke tau, keallo katorroan?

YOHANES 1:19

Inde sia tu nakatottongi Yohanes, tonna ussua to minaa sia to Lewi tu to Yahudi dio mai Yerusalem la lao umpekutananni lako, kumua: Mindarakomi?

YOHANES 5:11

Mebalimi lako tinde tau nakua: Na tu To umpamalekena’, Iamo ungkuanna’ kumua: Alami tu ampa’mu, mumale ma’lingka’.

YOHANES 5:15

Malemi tinde tau umpa’peissananni lako to Yahudi, kumua iatu To umpamalekei iamotu Yesu.