YOHANES 4:23 - Sura' Madatu

²³ Apa la sae tu attunna, na nalambi’mo totemo, kumua mintu’na tu to menomba tongan la menomba lan ia penaa langngan Ambe’ tu tonganna; belanna iari Nadaka’ Ambe’ tu to menomba susito.

YOHANES 4:23 Referans Kwoze

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

YOHANES 5:25

Tonganna tongan Kukua mati’: La sae tu attunna sia den dukamo totemo, kumua mintu’nato mate la urrangi gamaranNa AnakNa Puang Matua, na iatu to urrangii la tuo.

GALATIA 4:6

Belanna diona kadianakammi Namangkamo Puang Matua ussua PenaanNa AnakNa tama penaanta tu metamba kumua: Abba, o Ambe’.

ROMA 8:26

Susi dukamoto tu Penaa ussande’ki’ lan kalanggaranta. Belanna iatu apa la tapalaku susi sipato’na, tae’ taissanni; sangadinna Ia kalena tu Penaa umpa’kadangki’ sisola sarro tang dilambi’ dipokada.

YOHANES 12:23

Mebalimi Yesu sia Nakua ungkuanni tinde mai tau: Nalambi’mo attunna tu Anak rampan dilino la dipakala’bi’.

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,

YOHANES 4:21

Nakuami Yesu ungkuanni: E baine, patonganNa’, kumua la sae tu attunna, to ke mipenombaimi tu Ambe’, tang daora buntu iate sia tang dio dukara Yerusalem.

YOHANES 1:17

Belanna napa’benganmo Musa tu Sukaran aluk, apa iatu kamaturu-turuan sia kamanapparan Napaombo’ Yesu Kristus.

YESAYA 29:13

Sia susipate tu kadanNa Puang, nakua: Iate bangsa iate dio bangri pudukna umpengkareke’iNa’ sia dio bangri lilana umpakala’bi’Na’, apa iatu penaanna mambela dio mai Kaleku; iatu a’ganna ungkasiri’Na’, pepasan tolino bangri.

YESAYA 58:2

Tang nadaka’Ra’ka tu tau iato mai kiallo-kiallo sia morai unnissan lalanKu, susitu misa’ bangsa umpogau’ kamaloloan sia tang ussa’biangan katongananna Kapenombanna. Tau iato mai mekutana lako Kaleku, nakua: umbanna tu sipato’ sia malambu’ sia morai umpengkareke’i Puang Matua.

YESAYA 43:21

Iatu bangsa mangka Kukombong la umpakala’bi’Na, la umpatale’ kadipudiangKu.

ROMA 8:15

Belanna tangia unnappa’komi penaa kakaunanan naurunganni mataku’pokomi, sangadinna unnappa’mokomi Penaa umpadadikomi to dianak, tu tabannang metamba kumua: Abba, o Ambe’!

YOSUA 24:14

Iamoto la mikasiri’ tu PUANG sia la mipenombai situang penaa lantuk sia maruru’, ammi boko’i tu mintu’ deata tu napenombai nene’ to dolomi sambalinna lu Salu sia dio Mesir, ammi pengkaolai PUANG.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

PA’PUDIAN 17:1

Passambayangna Daud. Perangii tu malambu’na, o PUANG! sia palan ara’i tu pengkamoyaku, tananni talinga tu passambayangku tu nasa’bu’ randan puduk tang ma’bangko malute.

1 SAMUEL 12:24

PUANG manna tu la mikataku’ sia mipengkaolai situang kamarurusan sia penaa kalebummi, belanna tiromi tumbai kapuana tu apa Napogau’ lako kalemi.

YOHANES 16:32

Tiromi, attunnamo, ontongpi nalambi’mo attunna, kumua la dipasisarak-sarak simisa’komi lako to’ inanmi ammi sitampeiNa’ misa-misa; apa tae’ angKu misa-misa, belanna NarondongNa’ Ambe’.

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

YEREMIA 3:10

Iatonna mangka tu mintu’ apa iato, tae’ duka namorai tu Yehuda, sangbainena, iamoto tang maruru’, bulo lollong sule lako Kaleku, sangadinna naangga’-angga’i bangri, kadanNa PUANG.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

1 OSSORANNA DATU 29:17

Kuissan, o Kapenombangku, kumua Kamu tu ussudi penaa sia nakalo’ penaamMi tu kamaloloan, – bulo lollong penaangku ussorongangKomi te mintu’ apa iate; totemo parannu penaangku untiroi, kumua iatu taumMi, tu limbong totemo indete, ussorongan, dukaKomi pamengan sisola kamalangngoran penaanna.

ROMA 1:9

Na Puang Matuamora tu Kupenombai lan penaangku umpa’peissanan Kareba-kaparannuanNa AnakNa, ungkatottongina’, tumba makaritutungku umpalan ara’komi,

PA’PUDIAN 147:11

Iatu PUANG Naporai tu to ungkataku’I, sia iatu to urrannuan kamasokananNa.

YEHEZKIEL 22:30

Kudaka’mo tu misa’ tau dio lu tau iato mai, tu la umpabendan rinding tembo’ sia la bendan ullapa’i tu lo’po’ rinding tembo’ iato, tu la napomelona tondok, naurungan tae’mo Kusanggangi, apa tae’ bang Kuappa’.

PA’TENDENG BALLO 2:14

E dangan-danganku lan lu kasapak buntu batu, membuni lan lu pentirerungan dio lu se’pon buntu batu, melo, ke kutiroi tu kanna pati’mu, melo, ke kuperangii tu gamarammu, belanna la’te lambunna tu gamarammu, sia maballo tu pati’mu.

PA’PUDIAN 32:2

Maupa’ tu to tang Nareken PUANG tu kakadakeanna, sia to tae’ kalando-pa’duan lan ba’tengna.

YESAYA 10:20

La dadi to allo iato, kumua iatu to Israel tu torronapa sia bati’na Yakub tu tilendoknamo tae’mo anna la sande’ lako to umpandasai, sangadinna la sande’ bulo lollong lako PUANG, To maserona to Israel.

YOHANES 5:28

Da mimangnga tu iannato, belanna la sae tu attunna to ke mintu’nato lan liang urrangi tu gamaranNa,

YOHANES 16:2

La natassu’ikomi lan mai banua pa’kombongan. Ontongpi la sae tu attunna, to kumua minda-minda tu umpateikomi la nasanga napopenomba langngan Puang Matua.