YOHANES 4:16 - Sura' Madatu

¹⁶ Nakuami ungkuanni: Loomoko untambai tu muanemu, mumane sae indete.

YOHANES 4:16 Referans Kwoze

IBRANI 4:13

Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

YOHANES 21:17

Natole pole’omi ma’kada lako Nakua: E Simon, anakna Yohanes, mukamali’Ra’ka? Masussami tu Petrus tu belanna ma’pentallun maro’mo ma’kada lako kumua: Mukamali’Ra’ka? Nakuami lako: O Puang, mintu’na angge maritik Miissan nasang, Miissan duka kumua aku te kukamali’Komi. Nakuami Yesu lako: Kaduttu’i tu mintu’ dombaKu.

YOHANES 4:18

Belanna limamo tu tau mangka mupomuane, na iatu diona kalemu totemo, inang tangia ia muanemu to. Tonganna tu kadammu.

YOHANES 1:42

Nasolammi lako Yesu. Napatontongimi mata Yesu Nakua: Iko te Simon, anakna Yohanes, la disangamoko Kefas, ke dipallemba’i battuananna Petrus.

YOHANES 4:15

Nakuami tinde baine lako: O Puang, benmo’ tu uai iato, da angku ma’rang len, sia da kumanggi’ sae indete untimba uai.

YOHANES 4:17

Mebalimi tinde baine nakua: Tae’ aku kukemuane. Nakuami Yesu lako: Tonganna tu kadammu, kumua: tae’ aku kukemuane.