YOHANES 4:13 - Sura' Madatu

¹³ Mebalimi Yesu Nakua lako: Minda-minda unniru’i te uai iate, la ma’rang bangsia sule.

YOHANES 4:13 Referans Kwoze

YOHANES 6:27

Da mira’ta’i kalemi undaka’i tu kande tang marendeng, sangadinna iari tu kande marendeng, tu la Nabenkomi tu Anak rampan dilino; belanna Iamotu mangka Napamanassa Puang Matua Ambe’.

LUKAS 16:24

Metambami nakua: O ambe’ku Abraham, kamaseina’, suanna’ dikka’ tu Lazarus, naotonni tu tampak rakka’na rokko uai, nasakka’i bangi tu lilaku, belanna tang kutananmo tu malallangna lan te to’ api.

YOHANES 6:49

Iatu nene’ to dolomi ungkandemo manna dio padang pangallaran, anna mate duka sia.

YOHANES 4:12

Kamuraka la ondong na iatu Yakub, nene’ to doloki, tu mangka umbenkanni te bubun, na ia kalenamo unniru’i, sia anakna sia mintu’ patuoanna?

YOHANES 4:14

Apa minda-minda unniru’i tu uai la Kubenni, tae’ nala ma’rang len sae lakona, belanna iatu uai Kubenni la mendadi kalimbuang lan kalena natikula’dak-la’dak sae lako katuoan tontong sae lakona.