YOHANES 3:5 - Sura' Madatu

⁵ Nakuami Yesu mebali: Tonganna tongan Kukua mati’: Iake tae’i nadidadian dio mai uai sia Penaa tu tau, tae’ nama’din tama ParentaNa Puang Matua.

YOHANES 3:5 Referans Kwoze

PENGGAURANNA RASULU’ 2:38

Nakuami Petrus lako tu tau: La mengkatoba’komi ammi pantan ma’popedio’ tete dio sanganNa Yesu Kristus tu napotete kadipa’deian kasalammi, ammi kabu’tui Penaa Masallo’ dipa’kamasean.

EFESUS 5:26

kumua anNa pemaseroi tonna mangka umbasei pa’dioran uai tete dio kadanna Puang Matua,

1 PETRUS 3:21

Iatu uai rapangan umpamakarimmankomi totemo, iamotu pa’dioran, tu battuananna tangia ullossokki mariganna dio batang kalemi, sangadinna mepalakuan sukaran inaa maelo Puang Matua, tete dio kamalimbangunanNa Yesu Kristus,

1 KORINTUS 6:11

Den dukakomi pira pirambongi’ susito, apa mangkamokomi dibasei, sia mangkamokomi dipamasero sia mangkamokomi dibilang masero tete dio sanganNa Puang Yesu sia tete dio PenaanNa Kapenombanta.

MATIUS 3:11

Tonganna aku undio’komi uai dikua ammi mengkatoba’, apa iatu To la sae undinna na aku, ondong Ia kuasanNa na aku; tang sipatuna’ la dadi to umbanni lapik lentekNa; Iamo la undio’komi Penaa Masallo’ sia api.

YOHANES 3:3

Mebalimi tu Yesu nakua ungkuanni: Tonganna tongan Kukua mati’, iake tae’i nadidadian pole’ tu tau, tae’ nabelai untiro ParentaNa Puang Matua.

MARKUS 16:16

Minda-minda tu umpatonganni sia didio’, iamo la dikarimmanni, apa minda-minda tu tang umpatonganni, iamo la diukung.

1 KORINTUS 2:12

Apa kita te, tangngia penaanna a’gan lino tu taappa’mo, sangadinna Penaa lu dio mai Puang Matua, kumua anta tandai tu apa Napa’kamasean Puang Matua lako kaleta.

YOHANES 1:13

tu kombong tang lu dio mai rara sia tang lu dio mai kasikamaliranna kale sia tang lu dio mai kamoraianna muane, sangadinna lu dio mai Puang Matua.

1 YOHANES 5:1

Minda-minda umpatonganni kumua Yesu tu Kristus, tau iato lu dio mai Puang Matua; sia minda-minda tu ungkamasei Puang Matua, tu mangka undadian pole’i, iamo umpakaboro’ to lu dio mai Kalena.

1 YOHANES 2:29

Na iake miissanni kumua malambu’ tu Puang, manassa miissan duka kumua minda-minda umpogau’ kamalamburan, iamo lu dio mai Kalena.

GALATIA 6:15

Belanna la disunna’ ba’tu tang disunna’, tae’ patunna, sangadinna iari ke dadimi panampa ba’ru.

ROMA 14:17

belanna iatu ParentaNa Puang Matua tangia diona kande ba’tu diiru’na, sangadinna kamalamburan sia kamarampasan sia kaparannuan tete dio Penaa Masallo’.

MATIUS 28:19

Iamoto malemokomi mipopendadii anak gurungKu tu mintu’na bangsa, ammi dio’i tama sanganNa Ambe’, sia Anak na Penaa Masallo’;

MATIUS 18:3

sia Nakua: Tonganna tongan Kukua mati’, iake tae’i mipasondai penaammi, midadi pia, dennoraka mila tama len Parenta Suruga?

1 PETRUS 1:2

tu ditonno’ situru’ paissan temponNa Puang Matua, Ambe’, Napamasallo’ Penaa lu lako kaumpengkaolaian Yesu Kristus sia pa’pi’pikan raraNa: denno upa’ anna sakerangngan-rangnganna tu pa’kamasean sia kamarampasan lako kalemi.

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

LUKAS 13:3

Kukua mati’: tae’, apa ianna tae’ mimengkatoba’, la sanggang dukakomi sola nasang susito.

MATIUS 5:20

Belanna Kukua lako Kalemi: Iake tae’i nalosong tu kamaloloammi na iatu kamaloloanna pandita Sura’ sia to Farisi, dennoraka mila tama len Parenta Suruga.

ROMA 8:2

Belanna iatu lalan biasanNa Penaa tu umpa’kamasean katuoan lan Kristus Yesu mangkamo umpopentorro to makakana’ dio mai lalan biasanna kasalan sia kamatean.

LUKAS 13:24

Parukui tu kalemi unnola ba’ba sukku’, belanna Kukua lako kalemi: Buda tau undaka’ lalan la morai tama, apa pangkun.

LUKAS 13:5

Kukua mati’: tae’, apa iake tae’i mimengkatoba’ kamu duka sola nasang la sanggang susito.

MATIUS 19:24

Sia Kukuapa lako kalemi: Malomo ia misa’ unta tama to’tok darun ke la to sugi’mora tama Parentana Puang Matua.

MATIUS 21:31

Mindannara tinde pia sola duai tu umpogau’ pa’poraianna ambe’na? Nakuami tinde tau: Iamo ia tu undinna. Nakuami Yesu lako tinde tau: Tonganna tongan Kukua mati’, kumua moi passima sia baine sala’kedo nadoloi dukakomi tama ParentaNa Puang Matua.

MARKUS 9:47

Sia iake matammu untumangko, su’be’i mutibei, belanna la’bi’ sia ia, ke sangbaliri matammu tama ParentaNa Puang Matua, na iake dio patomalii tu matammu ammu dipembuangan tama naraka,

MARKUS 10:14

Tonna tiroi Yesu tu iannato, re’dekmi ara’Na sia Nakua lako tau iato mai: Popa’elo’nai tu pia’-pia’ sae lako Kaleku, da migagai, belanna iamotu to susite tu unnampui ParentaNa Puang Matua.

YOHANES 3:4

Nakuami Nikodemus lako: Umbara la dikua undadianni tu tau, ke matuami? Ma’dinraka la tama pa’tambukanna indo’na, anna didadian pole’?

1 KORINTUS 15:50

Apa inde sia tu kadangku, e kamu siulu’ku, kumua iatu kale tolinona tae’ nama’din umpomana’ ParentaNa Puang Matua; sia iatu apa la sanggang tae’ nala umpomana’ apa tang la sanggang.