YOHANES 3:25 - Sura' Madatu

²⁵ Tonna iato bu’tumi kasisakkanna anak gurunna Yohanes anna misa’ to Yahudi diona kadipamaseroan.

YOHANES 3:25 Referans Kwoze

YOHANES 2:6

Indeto dio den balubu batu annan, dinii membase susitu biasanna atoranna to Yahudi; iatu balubu, siduang busso ba’tu sitallung busso uai tama.

IBRANI 6:2

sia pangadaran diona to mai pa’dioran, sia diona urremme’i lima tau, sia diona kamalimbangunanna to mate sia ukungan matontongan.

MATIUS 3:11

Tonganna aku undio’komi uai dikua ammi mengkatoba’, apa iatu To la sae undinna na aku, ondong Ia kuasanNa na aku; tang sipatuna’ la dadi to umbanni lapik lentekNa; Iamo la undio’komi Penaa Masallo’ sia api.

1 PETRUS 3:21

Iatu uai rapangan umpamakarimmankomi totemo, iamotu pa’dioran, tu battuananna tangia ullossokki mariganna dio batang kalemi, sangadinna mepalakuan sukaran inaa maelo Puang Matua, tete dio kamalimbangunanNa Yesu Kristus,

IBRANI 9:23

Iamoto pato’ tu mintu’na rapang-rapang apa dao suruga diseroi susito, apa mintu’ tu apa daona siamo suruga diseroi pesuru’ mandu melo anna iatu mintu’nato.

IBRANI 9:10

na iatu apa iato tu ma’rupa kande sia diiru’na sia ma’rupa-rupa pebase, pangalukan a’gan tolino bangri to, tu dipatageran tau sae lako nalambi’na atoran ma’rundunan melo.

MARKUS 7:8

Mirampanan tu ParentaNa Puang Matua, anna pangalukan tolino mitoe.