YOHANES 3:11 - Sura' Madatu

¹¹ Tonganna tongan Kukua mati’: Kipokada tu kiissanna, sia kikatottongi tu kitirona, apa tae’ mitarimai tu kikatottonginna.

YOHANES 3:11 Referans Kwoze

YOHANES 8:38

Aku te umpokadaNa’ apa mangka Kutiro dio Ambe’Ku; sia kamu umpogau’ apa mangka mirangi dio mai ambe’mi.

YOHANES 14:24

Minda-minda tu tang ungkamali’Na’, tae’ duka nakaritutui kadangKu; sia iatu kada mirangi, tangia kadangKu, sangadinna kadanNa tu Ambe’ ussuaNa’.

YOHANES 12:49

Belanna tangia kumua lalan inaangKu kalena angKu ma’kada-kada, sangadinna Ambe’ ussuaNa’, mangkaMo’ Napokadan pepasan tu sipatunna la Kupokada sia Kupa’pangadaran.

YOHANES 8:14

Mebalimi Yesu sia nakua ungkuanni: Moi angKu katottongi Kaleku, tonganna duka tu Kukatottonginna, belanna Kuissan, umba tu Kunii sae sia umba tu Kunii male, apa iatu kamu tae’ miissanni umba tu Kunii sae sia umba tu Kunii male.

YOHANES 7:16

Mebalimi Yesu lako tu tau sia Nakua: Iatu pangadarangKu tae’ natuo dio Kaleku, sangadinna lu dio mai tu To ussuaNa’.

YOHANES 1:18

Iatu Puang Matua moi misa’ duka tau tae’pa untiroi; anNa Anak misa, tu diong bantananNa Ambe’, Ia umpa’pepayananNi.

2 KORINTUS 4:4

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

YESAYA 65:2

Kiallo-kiallo umpakorongNa’ limangKu lako misa’ bangsa pabali-bali, tu unnola lalan tang sipatu sia tu unturu’ tangnga’ misanna.

YOHANES 1:11

Saemo umpellambi’i apanNa, apa to Napotau ia tu ungkanokaI.

LUKAS 10:22

Mintu’na apa-apa mangka nasangmo Nasorong Ambe’Ku lako Kaleku, namoi misa’ tau tae’ unnissanni, kumua mindara tu Anak, sangadinna Ambe’ manna sia mindara tu Ambe’, sangadinna Anak manna sia mindapa la Nanii umpasomboi Anak lako.

YESAYA 53:1

Mindamora umpatonganni tu mangkannamo kirangi, sia mindamora dinii umpaombo’i tu takia’Na PUANG?

YESAYA 50:2

Ma’apai anna tae’ bang tau tongKu sae, sia tae’ bang tau mebali, tongKu metamba? Tarru’ kondi’raka tu limangKu la patunduan ba’tu tae’raka kamatotorangKu la parampanan? Manassa Kupakarrang tu tasik anna marangke sia Kupopempadang aak tu salu; naurunganni bubosi mate ma’rang tu mintu’ bale lan, belanna tae’mo uai diong.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

PENGGAURANNA RASULU’ 22:18

kukitami tu Puang umpa’kadaina’ Nakua: Madomi’ko, tikarai sun lan mai Yerusalem, belanna tae’ natarimai tau tu mukatottonginna diona Aku.

YOHANES 5:43

Aku te saeNa’ umpotete sanganNa Ambe’Ku, apa tae’ mitarimaNa’; iake to senga’ misa’ sae na sanganna kalena napotete, inang la mitarima.

YOHANES 3:13

Moi misa’ tau tae’ kendek langngan suruga, sangadi Ia tu mangkanna songlo’ dao mai suruga, Iamotu Anak rampan dilino.

YOHANES 3:5

Nakuami Yesu mebali: Tonganna tongan Kukua mati’: Iake tae’i nadidadian dio mai uai sia Penaa tu tau, tae’ nama’din tama ParentaNa Puang Matua.

YOHANES 3:3

Mebalimi tu Yesu nakua ungkuanni: Tonganna tongan Kukua mati’, iake tae’i nadidadian pole’ tu tau, tae’ nabelai untiro ParentaNa Puang Matua.

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

MATIUS 11:27

Mintu’na angge maritik mangkamo Nasorong Ambe’Ku lako Kaleku na moi misa’ tau tae’ untandai tu Anak, sangadinna Ambe’ manna, sia moi misa’ tau tae’ untandai tu Ambe’, sangadinna Anak manna sia iatu to la morai Napasomboan Anak.

YESAYA 55:4

Kupatunannangmo la ma’katottongi lako mintu’ bangsa sia la napodatu sia la napekapuangi mintu’ bangsa.

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.

YOHANES 3:12

Iake Kupokadammokomi tu lanna te lino natae’ mipatonganni, ma’apai ammi la umpatonganni, ke Kupokadangkomi tu daona suruga?

YOHANES 8:26

Buda tu apa la Kupokada sia Kupamanassa diona kamu, apa iatu To ussuaNa’ tongan. Na apa-apa tu Kurangi dio mai Kalena ia dukamo Kupokada lako issinna te lino.